Тана парвариши

Ҳар куни 15 дақиқа ажратсангиз кифоя

якшанба, 2015 Сентябр 06    Мухлиса

Биз аёллар доим ёш кўринишни хоҳлаймиз. Маълумотларга қараганда, сув, кўк чой, сутли маҳсулотлар, яшил сабзавотлар, саримсоқ ҳамда шоколад ёшликнинг умрини узайтирар экан. Демак, ёшлигини асраб қолмоқчи бўлган ҳар бир аёлнинг кундалик таомномаси юқоридаги маҳсулотларга бой бўлиши керак. Аммо, ёш кўриниш учун таомноманинг ўзи камлик қилади...

Соч учун парҳез: натижа кафолатланади

шанба, 2015 Сентябр 05    Мухлиса

Камдан-кам аёллар сочларининг бекаму кўст гўзаллиги билан мақтана оладилар. Майин, қалин сочлар бизга табиатнинг инъомидир. Аммо нотўғри парвариш, соч устида кимёвий “операция”лар ва организмда витамин, минералларга бўлган тансиқлик ҳар қандай сочни ҳам кўримсиз ҳолатга олиб келиб қўяди...

Кузда тери нималарга муҳтож бўлади?

чоршанба, 2015 Сентябр 02    Мухлиса

Куз келиши билан об-ҳаво ҳам ўзгаради. Совуқ, шамол ва ёмғирлар терига, албатта, ўз таъсирини кўрсатади. Куз мавсумида юз терисидан тортиб, сочлар ва қўллар алоҳида парваришни талаб этади. Мутахассисларнинг таъкидлашича, кузда ишлатиладиган косметика воситалари таркибида ҳар хил ёғлар қанча кўп бўлса шунча яхши.

Турли юз терилари учун ниқоблар

чоршанба, 2015 Август 26    Мухлиса

Маълумки, юз терисини мунтазам парвариш қилиш учун бизга турли ниқоблар керак. Албатта, бу ниқоблар табиий маҳсулотлардан тайёрлаган бўлса, натижа янада самарали бўлади. Шуни ҳисобга олиб, қуйида турли юз терилари учун ниқоблар тўпламини келтириб ўтамиз.

Кузда лаблар парвариши

якшанба, 2015 Август 16    Мухлиса

Куз фаслида лаб парваришига алоҳида эътибор қаратиш лозим. Негаки айнан шу мавсумда лаблар ёрилиши, қуруқшаши ва ачишиши кўп кузатилади. Бундай муаммоларга тез ечим топиш ва олдини олиш мумкин. Бунинг учун қуйидаги керакли маслаҳатлардан фойдаланиш лозим.

45 ёшда ҳаёт энди бошланади!

чоршанба, 2015 Август 12    Мухлиса

Инсоннинг ёши ўтавериши билан нафақат турмуш тарзи, кийиниш услуби, овқатланишга хос одатлар, соғлиғи, ҳатто ташқи кўринишига ҳам эътибор кучайиши керак. 45 ёшдан сўнг аёл организмининг ички фаолияти ўзгариб, бу ўз-ўзидан юз териси, тирноқлар ва сочларга таъсир кўрсатади. Ёш билан боғлиқ салбий таъсирларга қарши курашишда сизга қуйидаги тавсиялар қўл келади.

Зайтун мойидан фойдаланишнинг 7 усули

душанба, 2015 Август 10    Мухлиса

Зайтун мойи ёғлар орасида энг фойдалиси ҳисобланади. Унинг ёрдамида киши ошқозон ва ичак касалликларини даволаш мумкин. Лекин бугун биз зайтун мойининг бошқа фойдали хусусиятлари ҳақида ҳикоя қиламиз. Зайтун мойи гўзаллик эликсири ҳисобланади. У терини намлантириб, рангини яхшилайди ва ажинларни йўқотади.

Сочга эрта оқ тушса

якшанба, 2015 Август 09    Мухлиса

Соч оқариши эртами-кечми, ҳар кимни ўйга толдириши аниқ. Ёш ўтган сайин бошимиздаги оқ сочлар кўпайиши табиий ҳол. Лекин бугун айрим 20-25 ёшдаги қизлар сочига тушган оқ толадан кўп шикоят қилишади. Сочга этра оқ тушмасин десангиз қуйидаги маслаҳатларга қулоқ тутинг...

Алвон лабларнинг 7 сири

пайшанба, 2015 Август 06    Мухлиса

Кўпинча парвариш қилишда асосий урғуни юзимизга қаратамиз-у, лабларни унутиб қўямиз. Лаб териси ҳам худди кўз ости териси сингари жуда но­зик, алоҳида парваришга муҳтож бўлади. Тиниқ, силлиқ ва алвон ранг лаблар саломатлик белгисидир. Аммо витамин етишмаслиги ёки шамоллаш оқибатида лаблар қуруқшаб, ёрилиши ва ҳатто қонаши ҳам мумкин...

Куз фаслидаги юз парвариши

душанба, 2015 Август 03    Мухлиса

Инсоннинг юз териси бошқа фасллардан кўра, кузда кўпроқ парваришга муҳтож бўлиши хеч кимга сир эмас. Кузги парвариш аслида тўрт қисмга бўлинади. Булар: ҳимоя, намлантириш, тўйинтириш, тозалаш. Қуйида биз кутилмаган об-ҳаволарга бой бўлган кузги мавсумда терини тўғри парваришлаш тўғрисида тавсиялар келтирамиз.

Бўялган сочлар умрини узайтирамиз!

жума, 2015 Июл 31    Мухлиса

Соч бўяшни ният қилиб, бўёқ сотиб олдингиз ва "Гўзаллик салони"га отланяпсиз ёки аксинча, бу муолажани уй шароитида ўтказмоқчисиз. Хуллас, қайси йўлни танлашингиздан қатъий назар, сочни бўяшдан олдин бир-икки кун бошингизни ювманг. Бу соч илдизида махсус ҳимоя қатлами яралишига сабаб бўлади ва бу билан бўёқ таркибидаги кимёвий моддалар таъсирини камайтиради.

Тарвуздан турли ниқоблар

чоршанба, 2015 Июл 29    Мухлиса

Тарвуз таркибида бошқа маҳсулотларга нисбатан кўп учрайдиган фолий кислотаси билан машҳур. Шунингдек, тарвуз клетчатка хамда витаминларга бой саналади. Бундан ташқари, тарвуз терини намлантириш ва майинлантириш хусусиятига эга.

Минг йиллик гўзаллик

душанба, 2015 Июл 20    Мухлиса

Қадимги юнон халқлари орасида алоҳида қадрланган зайтун мойи ҳозирда кундалик турмушимизда ҳам кенг қўлланилаяпти. Ёғ таркибидаги кўп миқдордаги табиий антиоксидантлар, А, Е витаминлари, кислота ва микроэлементлар ҳақиқий мўъжизага қодир. Ушбу шифобахш мой терининг қуруқ соҳалари: тирсак, тизза ва товон парваришида жуда фойдали саналади. Бунинг учун сув ҳаммомида қиздирилган зайтун мойини қуруқ терига суртиш кифоя.

Ёшликни сақлаб қолишнинг 7 қоидаси

шанба, 2015 Июл 18    Мухлиса

Баъзи аёлларнинг териси нуқсонсиз, ажинлар ҳам деярли кўзга ташланмайди, фақат кўз атрофидагина мимик ажинларни кўриш мумкин, холос. Ва улар ҳамиша табассум қилиб туришади, бундан улар учун ҳар доим ҳаммаси жойида, деган тасаввур уйғонади. Мана шундай аёллар гўзаллигининг сирлари қуйидаги қоидаларда келтирилган.

Сабзавотлардан ниқоб тайёрлаш

сешанба, 2015 Июл 14    Мухлиса

Азиз бекажонлар, доим баҳор гулларидек гўзал ва бетакрор бўлиб юришни истасангиз, саҳифамизда берилган юз териси ниқобларидан мунтазам равишда фойдаланишга ҳаракат қилинг. Уй шароитида тайёрланган бир марталик ниқоблар таркибида консервантлар бўлмаганлиги туфайли ҳар доим энг фойдали ва албатта, самарали ҳисобланиб келган. Янги, табиий ниқоблар терини тозалаб, озиқлантиради, намлантириб, таранглаштиради ва юз териси рангини тиниқлаштиради.

Атиргулим, атрингни соч!

душанба, 2015 Июл 13    Мухлиса

Табиат неъматларидан гўзаллик воситалари тайёрланиши сир эмас. Жумладан, атиргул экстракти ёки мойидан ҳам турфа крем, гель, туз ва ювиниш воситалари ишлаб чиқарилади. Атиргул япроқлари тўлдирилган сув танга майинлик бахш этади. Машҳур юлдузлар Женнифер Лопес ва Селена Гомес ҳам атиргул муолажасига кўп мурожаат этишади. Агар боғингизда атиргул бўлса, сиз ҳам ундан унумли фойдаланишингиз мумкин.

Алоэ юздаги ажин ва тошмаларга қарши!

жума, 2015 Июл 03    Мухлиса

Алоэ ўсимлиги беозор гиёҳ ҳисобланиб, уни гўзаллик тимсоли дейишади. Унинг фойдалилик хусусиятлари эса уч минг йил муқаддам аниқланган. Азалдан унинг баргларидан табобатда фойдаланиб келинган. Айниқса, кўз касалликлари, теридаги яраларни даволашда алоэ ўсимлигидан тайёрланган суртманинг фойдаси бисёр.  Араб тилидан таржима қилинганда «алоэ» «аччиқ, какра» маъноларини англатади. Араблар ушбу ўсимликни қурғоқчиликка чидамлилиги учун сабр-бардош, қаноат тимсоли сифатида қадрлашади.

Ҳуснбузарлардан қандай халос бўлиш мумкин?

пайшанба, 2015 Июл 02    Мухлиса

"Гўзаллик-дунёни қутқаради", деган эди Достоевский ўзининг "Телба" номли асарида. Дарҳақиқат, ҳусн илоҳиёт томонидан инсонга берилган энг олий ҳадядир. Ҳусни гўзал инсоннинг хулқи ва қилаётган амали ҳам гўзал бўлади. Аммо деярли кўпчилигимизни ташвишга солувчи ҳуснбузарлар эса кўп ҳолларда дилимизни хира қилади. Азиз дугонажон, келинг, бугун ҳуснбузарларнинг келиб чиқиш омили, уларга қарши самарали курашиш ҳақида суҳбатлашсак.

Қўллар парваришининг 5 сири

якшанба, 2015 Июн 28    Мухлиса

Соғлом ва чиройли қўлларга эга бўлишни ким хоҳламайди дейсиз. Кундалик ҳаётимиздаги юмушлар натижасида эса кўпроқ бу ҳолатнинг аксига гувоҳ бўламиз. Аммо, ҳар бир аёл киши гўзал бўлишга ҳақли, бунинг учун озгина ҳаракат, хоҳиш ва тўғри маслаҳатлар зарур!

Соч тўкилса нима қилиш керак?

душанба, 2015 Июн 15    Мухлиса

Авваламбор, ушбу саволни бериш чоғи ваҳимага тушмаслик лозим. Сўнгра сочларингиз чиндан ҳам патологик равишда тўкиляптими ёки шунчаки эски сочларнинг янгиларига физиологик алмашинуви содир бўляптими, буни аниқлаб олиш зарур. Кунига 30 тадан 100 тагача соч толаси тўкилиши меъёр саналиб, бунда ўз умрини «яшаб бўлган» толалар тўлиқ равишда янгиланади.

Гўзаллик бағишлайдиган 8 маҳсулот

шанба, 2015 Июн 13    Мухлиса

Агарда сиз соғлом юз кўринишига, чиройли тирноқлар ҳамда узун, ялтироқ сочларга эга бўлишни истасангиз, турли дори ва косметикага ҳожат йўқ. Ҳар бир хонадонда топиладиган ушбу сабзавот ва мева маҳсулотлари орқали ички саломатлик ва ташқи гўзалликка эришиш мумкин.

Ой юзингизни қуёш урмасин десангиз

пайшанба, 2015 Июн 11    Мухлиса

Қуёш тиғида кўп юришга тўғри келса, шляпа, кепка, шарф, соябон каби “ҳимояловчилардан”дан бирортасини ўзингиз билан олишни унутманг! Улар ёрдамида куйдирувчи қуёш нури зараридан юзингизни бирмунча сақланишингиз мумкин!

Қазғоқ дастидан дод!

чоршанба, 2015 Июн 10    Мухлиса

Соч парвариши алоҳида эътибор талаб қилишини яхши биласиз. Сочлар қалин ва жилокор бўлиши учун маълум рецептларга ҳам эгасиз. Бироқ, соч парваришида шундай бир муаммо борки, у кўпчиликни ўйлантираётгани аниқ. Бу — қазғоқлардир. Савдо марказларида "қазғоққа қарши" дея ёрлиқ ёпиштирилган шампунларни харид қиласиз-у, фойдаланиб кўргач, ҳафсалангиз пир бўлади…

Терлашга қарши курашамиз!

сешанба, 2015 Июн 09    Мухлиса

Кунлар исиши билан истаймизми-йўқми, терлай бошлаймиз. Аслида организмдан ажраладиган тер рангсиз ва ҳидсиз бўлиб, бизга муаммо келтирмайди. Ёқимсиз ҳид пайдо бўлишига эса терида яшовчи бактериялар сабабчи бўлади. Терлашдан бутунлай қутулиб бўлмаса ҳам уни назорат қилиш, бадбўй ҳиднинг олдини олиш мумкин.

Камон қошлар сири нимада

якшанба, 2015 Июн 07    Мухлиса

Қош чеҳра гўзаллигида асосий роллардан бирини ўйнаб, ҳимоялаш вазифасини ҳам ўтайди. Айнан қош кўзларнинг маънодор ва мафтункор кўринишида катта аҳамиятга эга. Тартибсиз, сийрак ёки сертук қош мукаммал пардозни йўққа чиқариши мумкин. Қошларга доимий эътибор туфайли текис, қалин ва бахмалдек мулойим тусга кириши мумкин...

Қуёшдан ҳимояловчи восита

шанба, 2015 Июн 06    Мухлиса

Офтоб нури кўринувчи — кундузги ва кўринмайдиган инфрақизил ҳамда ультрабинафша нурлардан иборатдир. Ультрабинафша нурларнинг меъёридан ортиғи организмда салбий оқибатларга олиб келади. Хусусан, юз терисининг эрта ажин тушиб, тез қаришига сабаб бўлади. Одатда қуёш нури терига тўғридан-тўғри тушадиган бўлса, 15 дақиқадан сўнг унда ўзининг "изи"ни қолдиришни бошлайди.

Ҳар бир кунингиз байрам бўлсин!

чоршанба, 2015 Май 27    Мухлиса

Азиз, дугонажонлар, ташқи қиёфа — инсон ички оламининг акси эканига қўшилмай иложингиз йўқ. Ҳозироқ хаёлингиздан ўтаётган  кечинмалар бир лаҳзада чеҳрангизга кўчяпти. Тўғрими? Энди бирор ёрқин нарса ёки севимли инсонингиз ҳақида ўйланг, чуқур нафас олиб-чиқаринг, табассум қилиб, ўзингизни бўш қўйинг.

Сочларингизни сариққа бўяб нима қиласиз?

пайшанба, 2015 Май 21    Мухлиса

Кўча-кўйда деярли ҳар қадамда "олтинсоч" хонимларни учратамиз. Албатта, шарқ аёллари "тундек қора" соч­лари билан машҳур, аммо ёрқин рангли соч­лар бугунги кунда маъ­лум маънода урфга кириб улгургани ҳеч биримизга сир эмас. Аммо унинг сочларимизга қанчалик зарарли ёки салбий таъсири ҳақида ҳеч ўйлаб кўрмаймиз.

Сунъий киприкдан фойдаланиш

душанба, 2015 Май 11    Мухлиса

Келинчаклар тўй куни улама киприкларга мурожаат этишади. Тўйдан сўнг ҳам қайрилма киприкларга эга бўлиш мақсадида уларни пардозлаш сирларига қизиқадилар.

Гўзаллик учун қимматбахо косметика шарт эмас

якшанба, 2015 Апрел 26    Мухлиса

Чой. Сочингизни чой билан чайинг, шунда у кўркам кўринишга эга бўлади. Бунинг учун 100 грам қора чойни 0,5 литр қайноқ сувга дамлаб қўйинг. Кейин чой шамасини сузиб олиб, уни 2 литр сувга аралаштирасиз. Ушбу тадбирни ҳафтада  бир марта қўллаб турииш мақсадга мувофиқ.

Оёқ остидаги нохушлик

чоршанба, 2015 Апрел 22    Мухлиса

Оёқ инсон танасининг энг муҳим аъзоларидан бири ҳисобланади. Шу боисдан ҳам унинг соғлом ва бардам бўлишига ғоятда эътиборли бўлиш зарур. Тиббиётда оёқ билан боғлиқ муаммолар анчагина бўлиб, шулардан бири оёқларнинг тез-тез терлашидир. Асосан эркакларда, ва ёз ойларида кўп учрайдиган ушбу ҳолат наинки кишининг ўзига, балки атрофидагиларга ҳам нохушлик туғдиради.

Кўз остига ажин тушганда

душанба, 2015 Апрел 20    Мухлиса

Аёл киши учун кўзгуда юзи ва кўзи остидаги ажинларни кўриш анчайин ёқимсиз ҳолатдир. Бу қачон, нимадан пайдо бўлишини билиш мушкул иш. Лекин, бундай ажинлар биринчи белгини берганидаёқ, асабийлашмасдан, улар билан курашишни бошлаш лозим. Бунда қуйидаги маслаҳатлар ёрдам беради.

Нима учун сочлар секин ўсади?

пайшанба, 2015 Апрел 16    Мухлиса

Одатда соғлом сочлар бир ойда 1,5 - 2 см. га ўсади. Лекин, бу жараённи секинлашишига турли сабаблар мавжуд.

Биринчи сабаби. Организмда витаминлар танқислигидир. Шунинг учун овқатланиш режангизга ёнғоқ, соя, пишлоқ, творог, мевалар, сабзавотлар ҳамда дуккакли ўсимликларни қўшинг.

Юз териси тиниқлиги

душанба, 2015 Апрел 13    Мухлиса

Юз терисининг салқиб, оқариб қолиши асосан авитаминоз - яъни организмга витаминлар етишмаслиги натижасида юз беради. Бу асосан қиш ва баҳор фаслларига тўғри келади. Агар юзингиз ранги тиниқ, шафтоли гули сингари майин бўлишини истасангиз, витаминларга бой маҳсулотларни истеъмол қилинг. Бу маҳсулотлар организмда қон алмашиниш жараёнини яхшилаб, юз рангига ижобий таъсир кўрсатади.

Сочлар учун ниқоблар

пайшанба, 2015 Апрел 09    Мухлиса

Озиқлантирувчи ва мустаҳкамловчи ниқоб. Иккита тухум сариғини яримта лимон шарбати билан аралаштириб беш томчи репей ёғи (дорихоналарда мавжуд) томизасиз. Аралашмани сочларнинг бутун узунлиги бўйлаб суртиб 20 дақиқага қолдирасиз. Кейин ювиб ташлаб сочларингизни хона ҳароратида қуритасиз. Муолажа ҳар саккиз кунда бир марта амалга оширилиши керак. Бу ниқоб сочларни мустаҳкамлаб, уларни таралишини осонлаштиради. Соч тўкилиши ва синишига барҳам беради...

Ниқоблардан тўғри фойдаланиш

пайшанба, 2015 Апрел 02    Лола

Баъзан юзимизга иштаҳа билан қўйган ниқобимиз яхши натижа бермаса, ҳафсаламиз пир бўлади. Ҳаттоки, буни тавсия қилган одамдан ранжиб ҳам қўямиз. Лекин, билмаймизки, ниқоблардан фойдаланишни ҳам ўз тартиб-қоидалари мавжуд. Уларни ҳисобга олган ҳолда юзимизни парвариш қилсак, ниқоблар биз кутган натижани беради.

Диққат, ҳуснбузарлар!

жума, 2015 Март 27    Мухлиса

Ҳуснбузарлар ёғ-тук йўлларининг бекилиши натижасида вужудга келади. Бу теридаги ёғ ва нотекис ўлик қатламлар миқдорининг ортиши сабабли содир бўлади. Бундай шароитлар эса ҳуснбузарларни келтириб чиқарувчи бактерияларнинг кўпайиши учун жуда қулайдир.

Хина соч учун зарарлими?

душанба, 2015 Март 23    Мухлиса

Аёллар ўз сочларини парваришлаш, ранги, шаклини чиройли кўринишда сақлаш учун кўплаб воситалардан фойдаланадилар.Улардан бири хинали бўёқ ҳисобланади. Ҳозирда у дўконларда тегишли кўрсатмалар ёзилган пакетларда кукн шаклида сотилади. Кўпчилик аёллар ундан мустақил ҳолда, яъни уй шароитида тайёрлаб, фойдаланадилар...

5 босқичли юз парвариши

пайшанба, 2015 Март 19    Мухлиса

Ўлкамизга фасллар келинчаги баҳор кириб келди. Баҳор фасли уйғониш ва гўзаллик фасли. Борлиқ қайтадан уйғониб, ўз-ўзига оро беришга киришади. Теварак атроф яшил либосини кийиб, инсон кўзини янада қувнатиб, гулларга бурканади. Қуёш ер юзини янада кучлироқ қиздириб, борлиққа ўз нурларини сочади. Шу билан бирга, биз аёллар кўнглига енгил ташвиш ҳам солади. Қуёш нурлари юзимизга ўз соясини солиб доғ туширади ва сепкилларни бўрттиради. Лекин бу биз учун муаммо эмас. Юзимизни тўғри парвариш қилиб ўз муаммоларимизнинг ечимини топишимиз мумкин...

Юз териси турини тўғри аниқлаш

чоршанба, 2015 Март 18    Мухлиса

Юз терисини тўғри парвариш қилиш, биринчи навбатда тери тури учун косметик маҳсулотларни тўғри танлашга боғлиқ. Юз терисига мос келмаган маҳсулотларни ишлатиш кўп ҳолларда фойда бермайди, баъзан эса акс-таъсир кўрсатади. Шу сабабли парвариш жараёнини бошлашдан олдин ўз юз теримиз турини ва ундаги муаммолар сабабини аниқлаб олишимиз лозим. Бунинг учун кўзгуга боқиб, юз терисига диққат билан эътибор бериш керак бўлади.

Чойнинг сочга 6 фойдаси

якшанба, 2015 Март 01    Мухлиса

Аёл соҳибжамол хилқат. Мана шу соҳибжамоллик унинг ҳар бир аъзосида, ҳар бир ҳаракатида, гап сўзида мужассам. Сочлар ҳам аёл гўзаллигининг ажралмас қисми. Бироқ ҳар бир аёлга ҳам табиатан чиройли, қалин ва узун сочлар ато этилган эмас. Ато этилганлари ҳам алоҳида парваришга муҳтож. Аёл гўзаллигининг ойнаси пардоз. Зеро, бекорга “онангни отангга бепардоз кўрсатма” дейишмаган.

Сепкилларга қарши қандай курашиш мумкин?

шанба, 2015 Феврал 28    Мухлиса

Косметик нуқсонлар орасида тез-тез учраб турадиган ва ўз соҳибаларига ноқулайлик туғдирадиганларидан бири сепкиллардир. Бу жигарранг майда доначалар бизга туғилганимиздан бери ёпишиб олгандек гўё. 25 ёшимизагача уларнинг сони кўпайиб боради ва ранги ҳам тўқлашади. 30 ёшдан кейин эса аксинча ранглари оқаради, лекин миқдори ўзгармай қолаверади. Энг қизиғи - 40 ёшдан кейин улар умуман йўқ бўлиб кетишлари ҳам мумкин.

Бахорий 10 ниқоб

жума, 2015 Феврал 27    Мухлиса

Кўклам келиши билан аёллар ташқи кўринишларига алоҳида эътибор билан қарашни бошлашади. Баҳор гўзаллик фасли бўлишига қарамасдан, юздаги барча нуқсонларни ошкор қиладиган палла ҳам ҳисобланади. Шундай нозик фаслда ҳар биримиз юз парваришига бефарқ бўлмай, турли туман ниқоблардан фойдаланишимиз керак. Ўйлаймизки, қуйида тавсия этилаётган ниқоблар янада гўзал ва соғлом кўринишга эга бўлишингиз учун ёрдам беради.

Соч тўкилишини тўхтатамиз!

пайшанба, 2015 Феврал 19    Мухлиса

Аёлларга кўркамлик бахш этувчи безак – сочлардир. Улар соғлом жилокор ва мустахкам бўлиши жуда яхши, бироқ бундай бўлмаса нима қилиш керак? Шуни билиш жоизки, айнан сочларнинг ўсишига жавоб берувчи соч фоликулаларининг пойдевори эмбрионал ривожланишнинг 2-3 ойидаёқ бошланади. Биз дунёга келганимизда бошимизда майин туклар бўлади ва улар бир неча маротаб ўзгаради...

Юз учун ниқоблар

шанба, 2015 Феврал 14    Мухлиса

Сепкил ва пигмент доғлар юзингиз ҳуснига соя солса. Ҳар куни эрталаб ва кечқурун 1 ош қошиқдан лимон шарбати ҳамда олма сиркасини аралаштириб, юзингизни тозаланг. Уч ҳафта мобайнида шу муолажани қилсангиз, натижа сизни қувонтиради.

Лаб бўёғини суртиш

чоршанба, 2015 Феврал 11    Мухлиса

Лаб бўёғи таркибига кирадиган мой, асосан, лаб терисини юмшатади ва уни ташқи таъсир (қуёш, шамол ва ҳоказо)лардан сақлайди. Лаб бўёғи билан оғизнинг шаклини ва катта-кичиклигини бир оз ўзгартириш мумкин. Агар оғиз катта бўлса, бўёқни оғизнинг икки чеккасига етказмай, лабнинг ўрта қисмига сурилади; агар оғиз кичик бўлса, лабнинг бутун сиртига сурилади; юқори лаб кенг бўлса, пастки лаб қуюқ қилиб бўялади; лаб юпқа бўлса, юқори лаб қуюқ қилиб бўялади. Лаблар қалин бўлса, бўёқни лабнинг табиий чизиғига етказмай суриш керак. Агар лаблар юпқа бўлса, лабнинг атрофига бўёқдан чизиқ чизиб чиқилади. Бунда аввал оғизнинг атрофига бўёқдан чизиқ тортилиши, кейин лабнинг барча юзи бўялиши тавсия этилади.

Сочларга соғлом жило бериш

шанба, 2015 Феврал 07    Мухлиса

Агар сиз ёрқин рангли соч соҳиби бўлсангиз қуйидаги ниқобдан фойдаланинг.
Бир стакан мойчечак гулидан дамлама тайёрлаб, уни тоза сочларга суртинг. Дамламани 30 дақиқа сочларда қолдириб, уни цефолан ва сочиққа ўраб қўйинг. Кейин эса бошингизни шампун билан ювинг. Мойчечак гулининг хусусияти сочингиз учун айни муддао.

Соч парваришининг 7 қоидаси

пайшанба, 2015 Январ 29    Мухлиса

Сочларингиз нурсиз ва тўкилувчан бўлиб қолганлиги сизни ташвишга соляптими? Турли усулларни қўллашга шошилмай, энг зарур қоидаларни билиб олинг.

1. Доимий гўзаллик қоидаси! Сочларингиз “итоаткор” бўлишини истасангиз, 3-4 кунда бир маротаба бош ювишга одатланинг. Ҳа-ҳа, сочни ювиш оралиғини шундай муддатда олиб борсангиз, кирланиши ҳам шунга мослашади...

Уй шароитида юз тозалаш

чоршанба, 2015 Январ 28    Мухлиса

Уй шароитида юз тозалаш косметолог учун сарфланадиган анчагина пулни тежашга ёрдам беради. Албатта, юзни уй шароитида тозалаш ўта эҳтиёткорликни талаб этади, агар керакли қўлланмаларга амал қилинмаса юз терисига жиддий зарар етказиш мумкин. Нотўғри ҳаракатлар оқибатида йиринглар, яллиғланиш ёки чуқурчалар юзага келиш эҳтимоли бор. Демак, уй шароитида юзни тозалаш учун буғли ваннача, туз, суюқ совун ва дезинфекцияловчи восита керак бўлади...

Оёқлар учун ниқоблар

сешанба, 2015 Январ 27    Мухлиса

Оёқ кафтини юмшатиш учун. Иккита тухум оқини уқаловчи ҳаракатлар билан оёқ остига яхшиллаб суринг. 15-20 дақиқадан сўнг ювиб ташланг. Оёқ ости терисини оқартириш, юмшатиш учун майонез ва сметанадан фойдаланиш мумкин. Бунда 1 соат ва ундан кўп вақтгача оёқлар ювилмайди.

Оёқ замбуруғига қарши. Қора турп ёки пиёзнинг сувини сиқиб, оёқ пойига сурилади. Бу ўсимликлар замбуруғларга қарши курашиш хусусиятига эга. Уни суртгач тери қуришини кутиб туринг, сўнг оёқларни уқалаб чайинг. Фақат бу ниқобни қўллаш учун оёқда яра чақалар бўлмаслиги керак.