Пазандалик

Бешбармоқ

якшанба, 2018 Январ 07    Лола

Биринчи навбатда, қозонда, гўштлар, қази, туз ва зира солиниб, 3 соат давомида сувда қайнатилади. Сув биринчи қайнаб чиққан вақтида кўпикни олиш керак. Ёдингизда бўлсин! Кўпикни қанчалик эринмай олсангиз, сув шунчалик тиниқ бўлади.

1 коса сувда 1 ош қошиқ туз эритилади. Тайёр эритма унга солинади ва 2 та тухум қўшиб, хамир қорилади. Хамир яхшилаб муштлаб, тиндириб қўйилади. Тинган хамиримиз юпқа, бир текисда қилиб ёйилади. Хамир қалинлиги чучвара хамири қалинлигидек (2-3 мм) булади. Ёйилган хамир, 8 га 8 тўртбурчак қилиб қесилади. Хамир бўлакчалари алоҳида сувда пиширилади.

Шилпилдоқ

шанба, 2018 Январ 06    Лола

Қозондаги қизиган ёғга олдин пиёзни солиб, новвот ранг тус олгунича қовурамиз. Сўнг, гўштни солиб, қовуришда давом этамиз. Кейин помидор қайласи. Сўнгра, картошка, сабзи, булғор қалампирлари, саримсоқ пиёз бўлакчалари кетма-кет солиниб, масаллиқлар чиройли қизил тус олгунича қовурамиз. Таъбга кўра, саримсоқ пиёз (яшил) ва сельдерей солиш мумкин.

Турпли салат

жума, 2018 Январ 05    Лола

Ҳамма масаллиқлар майда сомонча тўғралади. Тўғралган турпни тахири чиқиши учун бироз муддатга сувга солиб қуйинг. Сўнгра, барчаси аралаштирилади.

Шпротли газак

пайшанба, 2018 Январ 04    Лола

Қора нон, аввал паррак, сўнгра учбурчак қилиб кесилади. Тостерда ёки товада озгина сариёғ билан икки томони қизартириб олинади. Помидор ва бодринглар ингичка паррак қилиб кесилади. Саримсок пиез эзилади ёки майда тўғралиб, майонез билан аралаштирилади. Нон бўлакчалари устига майонез аралашмаси суриб чиқилади. Сўнг, салат барги, бир булак помидор ва бодринг, устига шпрот балиғи кетма-кетликда қўйилади.

"Қиш зийнати" салати

чоршанба, 2018 Январ 03    Лола

Картошка ва лавлаги сувда қайнатиб олинади. Оқ пиёз иккига бўлиниб, майда паррак қилиб тўгралиб, бироз сувда чайқаб олинади. Шунда пиёзнинг аччиғи кетади. Кўк пиёз майда тўғралади. Барча масаллиқлар тўртбурчак қилиб тўғралади ва аралаштирилади.

"Қора шахзода" ширинлиги

сешанба, 2018 Январ 02    Лола

Қатиқга сода ва уксусни солиб, ачитиб қўямиз. 

Идишда тухум ва шакарни оппоқ бўлгунича кўпиртирамиз. Салат ёғи, қавартма, какао кетма-кетликда солиниб, устидан ачиган қатиқни солиб, аралаштирамиз.

Аралашмамиз суюқ кашасимон бўлгунича ун қўшилади. Духовка листига озгина маргарин суртиб, аралашмани иккига бўлиб, қизиган духовкада ўрта оловда пиширамиз.

Рулетли торт

душанба, 2018 Январ 01    Лола

Енгил ва осон тайёрланадиган торт.

Тухумлар сариғидан ажратилиб, оқи қаттиқ бўлгунича кўпиртирилади. Сўнг, оз-оздан шакар солиниб, кўпиртиришда давом эттирилади. Қаттиқ бўлганидан сўнг, битта-биттадан тухум сариғлари ва ун солиниб, аралаштирилади. Аралашма листга текис қилиб ёйилиб, совиган духовкада пиширилади.

Гўштли рулет

чоршанба, 2015 Сентябр 23    Лола

"Грек" салати

сешанба, 2015 Сентябр 22    Лола

"Момиқ" ширинлиги

душанба, 2015 Сентябр 21    Лола

Маргарин 4 стакан ун билан уқаланади. Устига ачитқи солиниб, аралаштирилади. Сўнг, сут солиниб, юмшоқ хамир қорилади. Тайёр хамир 1 соатга музлаткичга қўйилади.

Холодец

якшанба, 2015 Сентябр 20    Лола

Мол оёғи сувда суягидан ажралгунича қайнатилади. Сўнг, сувдан олиб, суягидан ажратиб, тўғраб, қайта солинади. Устига гўшт майда тўғралиб солинади. Гўшт пишгач, туз ва зираворлар, тўғралган саримсоқпиёз солиб, яна 5-10 дақиқа қайнатилади. 

"Шуба" салати

шанба, 2015 Сентябр 19    Лола

Картошка, сабзи, лавлаги ва тухум сувда қайнатиб олинади. Бу масаллиқларнинг пўсти артилиб, алоҳида идишга қирғичдан чиқарилади. Салат идишининг тубига майда тўғралган балиқ ёйиб қўйилади. Сўнг, устига тухум оқи, картошка, сабзи ва лавлаги устма уст ёйиб чиқилади.

Норин

жума, 2015 Сентябр 18    Лола

Норин шоҳона таом бўлиб, ўзбек миллий таомлари орасида тайёрланиши анча мураккаб бўлган таомдир. Асосан йилнинг совуқ фаслларида тайёрланади. Таомни таъбга қараб мол ёки от гўштидан тайёрлаш мумкин.

"Дилором" салати

пайшанба, 2015 Сентябр 17    Лола

Ушбу салат 8-10 кишилик. Гўшт ва пишлоқ сомонча, тухум ва бодринг ярим ой шаклида тўғралади. Кўкатлар ва салат барги йирик тўғралади. Барча масаллиқлар майонез билан аралаштирилади.

Қуритилган бақлажонли салат

чоршанба, 2015 Сентябр 16    Лола

Ушбу салат 10-12 кишилик. Қайнаб турган сувга бақлажон солиниб, 2 дақиқа қайнатилади. Сўнг бақлажон сувдан силқитиб олинади. Қизиган товага ёғ солиниб, тўғралган пиёз енгил ўлгунича қовурилади ва устига қизил қайла солинади.

Қуймоқли салат

сешанба, 2015 Сентябр 15    Лола

Тухумдан оддий қуймоқ пишириб олинади. Барча масаллиқлар тўртбурчак тўғралади. Кўкатлар майда тўғралади. Таъбга қараб тузи ростланиб, барча масаллиқлар майонез билан аралаштирилади.
 

Кимчи

душанба, 2015 Сентябр 14    Лола

Карамлар узунасига 6-8 бўлакка бўлинади ва тузлаш учун махсус идишга солинади. Устидан олдиндан қайнатилиб, совутилган сув кумгунича қуйилади. Бунда сувни ҳар 1 литрига 2 ош қошиқ туз солинади.

Дудланган пишлоқли салат

якшанба, 2015 Сентябр 13    Лола

Барча масаллиқлар сомонча тўғралади. Кўкатлар майда тўғралади. Таъбга қараб тузи ростланиб, барча масаллиқлар майонез билан аралаштирилади.

Рогалик булочка

шанба, 2015 Сентябр 12    Лола

2 стакан унга илиқ сут, шакар, ачитқи ва туз солиниб, аралаштирилади ва 1 соатга иссиқ жойга ўраб қўйилади.
Тухум ва ёғ аралаштирилиб, ошган массага солинади. Ва қўлга ёпишмайдиган юмшоқ хамир қорилади. Хамир 5 бўлакка бўлиниб, хар бир бўлак ёйилади...

"Ноз-ноз" салати

жума, 2015 Сентябр 11    Лола

Товуқ гўшти қўлда майдаланиб, тухумга аралаштирилиб, ёғда қовуриб олинади. Алоҳида идишга сухарик, майдаланган саримсоқпиёз, 1 ош қошиқ майонез солиниб, (таъбга қараб кўкат қўшишингиз мумкин) аралаштирилади. Қолган масаллиқлар кубик қилиб тўғралади ва алоҳида идишда аралаштирилади.

"Бир зумда" салати

сешанба, 2015 Сентябр 08    Лола

Барча масаллиқлар кубик қилиб тўғралади. Таъбга қараб туз сепилади ва майонез билан аралаштирилади.

"Лечо" аччиқ газак

душанба, 2015 Август 31    Лола

Помидор ва аччиқ қалампир гўшт қиймалагичнинг йирик тишидан (алоҳида) чиқарилади. Булғор қалампири йирик бўлакларга бўлинади. Қозонга помидор солинади. Бироз қайнаб, қуйилгач, ёғ ва булғор қалампири солинади. Сўнг қайнаб, яна бироз қуйилгач, аччиқ қалампир солинади...

"Ҳилола салати" консерваси

якшанба, 2015 Август 30    Лола

Помидор, булғор қалампирлари, бақлажон йирик тўғралади. Сабзи йирик сомонча тўғралади. Фасоль тозаланиб, икки томони учлари кесиб ташланади. Қозондаги қизиб турган ёғга сабзини солиб, чиройли қизил ранг олгунича қовурамиз. Сўнг бақлажонни солиб, қовуришда давом этамиз...

Қовурма аччиқ-чучук

сешанба, 2015 Август 25    Лола

Помидор, булғор қалампири ва саримсоқ пиёз ювилиб, тозаланиб, гўшт қиймалагичнинг йирик тишидан алоҳида идишларга чиқарилади. Бақлажон майда куб қилиб тўғралади. Пиёз паррак қилиб тўғралади. Қозонга ёғ солиниб, бироз қизигач, пиёз солиб, қовурилади. Пиёз новвот ранг тус олгач, бақлажон ва булғор қалампири солиниб қовуришда давом этилади...

Дунган қалампирли консерва

душанба, 2015 Август 24    Лола

Қизил сабзи артилиб, йирик сомонча шаклида тўғралади. Помидор ювилиб, бўлиниб, гўшт қиймалагичнинг йирик тишидан чиқарилади. Дунган қалампири ювилиб, қуритилади. Қозонга ёғ солиниб, тўғралган сабзи ўлгунича қовурилади. Сўнг устига помидор солинади. Бироз сувини тортиб, қуйилгач, дунган қалампири солинади. Қалампирлар юмшаб пишгач, тузи ростланиб, банкаларга ёпилади...

Шоколадли пирог

шанба, 2015 Август 22    Лола

Какао, шакар, ун, корица ва разрыхлитель аралаштирилади. Тухум, қатиқ, шакар, чой содаси билан аталанади. Иккиси бир-бирига қўшилиб, хамир қорилади. Тайёр массани 2га бўлиб, ёғланган листга қўл ёрдамида ёйиб чиқилади. Сўнг, олдиндан қиздирилган духовкада ўртача оловда 15-20 дақиқа пиширилади. Тайёр коржлар орасига крем суртиб, ёпиштирилади.

Чак-чак

жума, 2015 Август 21    Лола

Тухум яхшилаб аталаниб, чой содаси қўшилади. Тайёр массадан хамир қорилади. Хамир тингач, ёйилади ва салат ёғи суртилади. Ёйилган хамир ўқлоғига ўралади ва узунасига кесилади. Ўқлоғини олиб, хамир яна тенг иккига узунасига бўлинади. Узун иккита тесмаларни 1,5-2 см. қалинликда кесилади. Кесилган тесмачалар қизиб турган ёғда қовуриб олинади...

Қовоқ димлама

пайшанба, 2015 Август 20    Лола

Ҳамма масаллиқлар йирик бўлакланади. Қозон тубига биринчи парраклаб кесилган думба бўлаклари териб чиқилади. Кейин, пиёз, гўшт, картошка ва қолган масаллиқлар солинади (териб чиқилади). Ҳар бир қатлам орасига туз ва зираворларни соласиз (ҳоҳишга қараб). Энг устига қовоқ бўлаклари солинади...

Хоним

чоршанба, 2015 Август 19    Лола

Шўр сувга оддий хамир қорилади. Хамир тингунча қиймасини тайёрлаймиз. Картошка ва пиёз артиб, сомонча тўғралади. Чарви ёғ майда кубик тўғралади. Ҳамма масаллиқлар аралаштирилиб, зираворлар солиниб, тузи ростланади. Тинган хамир иложи борича юпқа қилиб ёйилади...

Гречка палов

жума, 2015 Август 14    Лола

Ҳамма масаллиқлар кераклича хажмда майдалаб тўғралади. Қизиб турган қозондаги ёғга пиёз солиб, новвот ранг бўлгунича қовурилади. Сўнг гўшт солинади. Бироз қовурилгач, помидор солинади. Яна бироздан сўнг картошка, сабзи, булғор қалампирлари, саримсоқ пиёғ ва кўкат кетма-кет солиниб, қовурилади. Тузи ростланиб, сув солинади....

Қовоқ сомса

шанба, 2015 Август 08    Лола

Қовоқ, картошка, пиёз ва думба ёғи кубик қилиб тўғралади. Тузи ростланади. Тинган хамир юпқа ёйилиб, омухта ёғ суртилади. Хамир рулет ҳолига келтирилиб ўралади. Ва уни музлаткичга 1 соатга қўйилади. Хамир музлаткичдан олиниб, бўлакларга бўлинади. Ва бўлакчалар чети жўваланиб, думалоқ шакл берилади. Бунда думалоқ шакл ўртасини жўваламасликка ҳаракат қилиш лозим...

"Барно" салати

чоршанба, 2015 Август 05    Лола

Бақлажон йирик сомонча тўғралиб, шўр сувда 4-5 дақиқа қайнатиб олинади. Сабзи, бодринг йирик сомонча тўғралади. Помидор 5-6 бўлакка бўлинади. Пиёз йирик тўғралади. Олдин қозонга ёғ солиб, пиёзни ўлгунча қовурамиз. Унинг устига сабзини солиб, қовуришда давом этамиз. Сабзи ўлгач, устига помидорни соламиз. Помидор чала ўлгач, устига саримсоқ пиёз ва қайнатиб олинган бақлажонни, бодрингни солиб, 1-2 дақиқа қовурамиз.

Сабзавотли икра

душанба, 2015 Июл 27    Лола

Бақлажон ва қизил сабзи гўшт қиймалагичнинг йирик тишидан чиқарилади. Помидор ва қовоқча майда, булғор қалампири йирик тўғралади. Тўғралган пиёз ёғда қовурилади. Пиёз новвот ранг тусига киргач, устига сабзи, бақлажон ва қовоқча солиниб, қовуришда давом этилади. Бироздан сўнг устига булғор қалампири ва саримсоқ пиёз солиниб, қовуришда давом этилади. 5-7 дақиқадан сўнг тўғралган помидор солинади. Туз, қора мурч таъбга кўра солиниб, 10-15 дақиқа давомида қовурилади.

"Бир зумда" ширинлиги

жума, 2015 Июл 24    Лола

Товада маргарин эритиб олиниб, совутилиб, идишга солинади ва устига тухум, шакар ва қатиқ солиб, аралаштирилади. Алоҳида идишда ун ва қавартмани аралаштириб, биринчи масаллиққа қўшилади. Бир хир қоришма ҳосил бўлгунга қадар тинимсиз равишда тез-тез аралаштирилади. Тайёр бўлган суюқ хамир ёғланган қолипга солиниб, қошиқда текисланади ва духовка печида 30 дақиқа давомида пиширилади.

Бодринг-помидор консерваси

пайшанба, 2015 Июл 23    Лола

Бодринг ва патисон икки томони олиниб, 7-10 соатга муздек сувга солинади (оқизиб қўйилади). Олдиндан ювиб қуритилган банкаларга олдин  маълум бўлакларга бўлинган хрен барги ва укроп солинади. Сўнг лавр япроғи, артилган саримсоқ пиёз, мурч, артилиб, боши ва думи олинган оқ пиёз, бодринг, патисон, помидор солинади. Устидан шақиллаб қайнаб турган сув банка тўлгунича солинади...

"Сеҳрли тонг" ширинлиги

чоршанба, 2015 Июл 22    Лола

Маргарин товада эритилиб, ичига кетма-кетликда тухум ва шакар аралашмаси солинади. Кейин сода ва сирка солинган сметана солинади. Сўнгра яхшилаб аралаштирилади ва ун солиниб, хамир қорилади. Суюқроқ хамир ёғланган қолипга қйилиб, газ печида ўрта оловда 35 дақиқа давомида пиширилади. Пишгач, устига қуюлтирилган сут суртилиб, кокос кукуни сепилади. Ҳоҳишга кўра устига майдаланган ёнғоқ ёки шакар упаси сепиш ҳам мумкин.

Консерваланган жўхори

пайшанба, 2015 Июл 16    Лола

Жўхори донлари тозаланиб, ювилиб, ивитиб қўйилади. Бирор соатдан кейин оловга кўйиб, 30-40 дақиқа қайнатилади. Сўнг, пишган жўхори доначалари сувдан олиниб, совутилади ва банкаларга солинади.  Бунда банка батамом тўлмаслиги, оғзида 1,5-2 см жой қолиши лозим. Кейин, банкага шакар, туз ва қайноқ сув солинади. Ва вақтинчалик қопқоқ билан ёпилиб, банкалар қайнаб турган сувда 1,5 соат давомида стерилланади.

Қуймоқ

якшанба, 2015 Июл 12    Лола

10 та тухум идишга чақилади, ичига ун, разрыхлитель (қавартма), ёғ ва таъбга кўра туз солинади. Бу ҳамма масса блендерда яхшилаб аралаштирилади. Духовка листини ёғлаб, ичига аралашма солинади.Ва унинг устига паррак қилиб тўғралган сосиска керакли миқдорда солинади. Бу листни олдиндан қиздирилган духовка ичига қўйилади. Ўртача оловда 10-15 дақиқа пиширилади.

Кўза шўрва

пайшанба, 2015 Июл 09    Лола

Кўзаларнинг ичига, аввал, керакли бўлакларга бўлинган гўшт, сабзи, картошка, помидор, пиёз, саримсоқ пиёз, булғор қалампирлари, кўкатлар солинади ва тузи ростланади. Таъбингизга кўра зираворлар солса ҳам бўлади. Устидан, масалллиқларни кўмгунича сув солинади. Сўнг, кўзалар олдиндан қиздирилган газ духовкасига жойлаштирилади. Кўзадаги сув қайнаб чиққач, газ духовкасининг олови ўртача пасайтирилади.

Кесма лағмон

сешанба, 2015 Июл 07    Лола

Қозонга 1 чўмич ёғ солинади. Ёғ қизигач, тўғралган пиёз солиб, қизаргунича қовурилади. Сўнг, йирик сомонча шаклида тўғралган гўшт солинади. Гўшт бироз қовурилгач, устига тўғралган помидор солинади ва қовуришда давом этилади. Помидор эзилиб, йўқ бўлгач, 1 коса сув солинади. Сув қайнаб чиққач, олов пасайтирилиб, гўшт пишгунича қайнатилинади. Солинган 1 коса сув камайиб, қовуриш ҳолига етганида, олов баландлатилади.

Шафтоли мураббо

душанба, 2015 Июл 06    Лола

Шафтоли ювилади ва данагидан ажратилиб, майда бўлакларга бўлинади. Катта хажмдаги қайнатиладиган идишга солиб, устидан шакар солинади. Тахминан 5-6 соат тургач, идиш оловга қўйилади. 15 дақиқа қайнаб чиққанидан сўнг, идиш оловдан олинади ва совутилади. Сўнгра яна 15 дақиқага оловга қўйилади. Бу ҳол қайнаш дақиқалари 45 га етгунича такрорланади, яъни, 3 маротаба.

Тошкентча ош (палов)

шанба, 2015 Июн 27    Лола

Қозонга ёғ солинади. Ва у қизигач, гўшт солиниб, қизаргунича қовурилади. Устига тўғралган пиёз солиб, уни ҳам қизаргунича қовурилади. Ошни ранги пиёзни қовурилишига қараб ўзгаради. Агар сиз оқишроқ ошни ҳоҳласангиз, пиёзни кўп қизартириб қовурманг. Агар пиёзни гўшт рангига яқин қизартириб қовурсангиз, ош қизил тусда бўлади.

"Қумоқча" ширинлиги

пайшанба, 2015 Июн 25    Лола

Маргарин ун билан уқаланади. Қатиқ, сода ва тухум аралаштирилиб, унга солинади. Хамир қаттиқ бўлиши шарт. Тайёр хамир зувалаларга бўлиниб, елим пакетда, музлаткичда тиндирилади. Тинган хамир зувалачалари бирин кетин музлаткичдан олиниб, гўшт қиймалагичнинг махсус тишидан чиқарилади.

"Вискоди" ширинлиги

душанба, 2015 Июн 22    Лола

Ун билан 300 гр. маргарин уқаланади. Сметанага разрыхлитель, 5та тухум сариғи солиб, унли массага қўшиб хамир қорилади. Хамир 3 зувалага бўлиниб, 30 дақиқа тиндирилади. 5 та тухум оқи 1 пиёла шакар билан бизэ қилинади. Биринчи зувала ёйилиб, устига бизэ суртиб, майдаланган ёнғоқ сепилади. Ва духовкада қизаргунича пиширилади. Қолган зувалалар ҳам шундай пиширилади.

Бўғирсоқ

шанба, 2015 Июн 20    Лола

Ун ўртаси очилиб, ёғ солинади. Сўнгра косадаги шўр сув солиниб, хамир қорилади. Хамир бўлакларга бўлиниб, зувала ҳолида тиндирилади. Тинган зувалаларни узун тесма ҳолига келтириб, бир бармоқ қалинлигида кесиб чиқилади. Кесилган бўлакчаларни узунасига қирғичга қўйиб, кўрсаткич бармоқ ёрдамида шакл берилади. Сўнг, бўғирсоқчалар ёғда, ўрта оловда қизаргунича пиширилади.

Бақлажонли аччиқ газак

якшанба, 2015 Июн 14    Лола

Бақлажон ювиб, тозаланиб, паррак қилиб кесилади ва ёғда икки томони қизаргунича қовурилади. Помидор ювиб тозаланиб, қирғичдан чиқарилади. Тўғралган пиёз алоҳида идишда бироз қовурилади. Сўнг устига помидор солиниб, қовуришда давом этилади. Помидор етилишига бироз қолганда тўғралган саримсоқпиёз ва уруғи олиб ташланган қалампир солинади.

Реза мевали компот

душанба, 2015 Июн 01    Лола

Биринчи навбатда барча мевалар тозаланиб, ювилади. Бу мевалар ҳоҳишингизга қараб ўзгартирилиши мумкин. Олдиндан ювиб, қуритилиб, стерилланган 3 литрли банкаларга 150 гр. шакар ва мевалар аралаш солинади.

"Вера" салати

якшанба, 2015 Май 31    Лола

Бақлажон йирик сомонча тўғралиб, идишга солиниб, туз сепилади. Пиёз йирик тўғралиб, қовурилади. 10-15 сониядан сўнг бақлажонни ўзидан чиққан сувидан ажратилиб пиёз устига солиниб, қовурилади.

"Табассум" салати

жума, 2015 Май 29    Лола

Кабачки, булғор қалампири, бодрин ва помидор йирик сомонча қилиб тўғралади. 1 та тухум идишга аталаниб, устига туз сепиб, тўғралган кабачки солиниб, аралаштирилади. Сўнг, ёғда қовурилади. Иккинчи тухум алоҳида идишда аталаниб, устига туз сепиб, тўғралган булғор қалампири солиниб, аралаштирилади ва у ҳам алоҳида ёғда қовурилади.

Тут мураббо

пайшанба, 2015 Май 28    Лола

Тут меваси тозаланади, лекин ювилмайди. Идишга шакар устига сув солиб, қайнатиб қиём ҳолига келтирилади. Тайёр қиём устига тут меваси солинади ва қайнатилинади. Қайнаб чиққач, 15 дақиқа дам бериб, яна қайнатилинади. Бу ҳол 2-3 маротаба такрорланади.