Пазандалик

Мевали компот

душанба, 2015 Май 25    Лола

Биринчи навбатда мевалар ювилиб, тозаланади. Ўрик ва олма иккига бўлиниб, данагидан ажратилади. Олхўри ва олча бутунлигича солинади. Бу мевалар ҳоҳишингизга қараб ўзгартирилиши мумкин.

"Маргаритка" ширинлиги

якшанба, 2015 Май 17    Лола

Ун идишга солиниб, қавартма билан аралаштирилади. Унга уй ҳароратида юмшаган маргарин қўшилиб, уқаланади. Тухум сариғи (оқидан ажратилиниб) унга солинади. Сметана ва чой содаси аралаштирилиб, унга қўшилиб, хамир қорилади. Хамир қўлга ёпишмайдиган юмшоқ бўлгунича ун қўшилади. Тайёр хамир 4-5 зувалага бўлиниб, тиндирилади.

Чойхона димлама

шанба, 2015 Май 16    Бахром

Ушбу таом бош ошпаз Ҳислат ака бошчилигида эркаклар томонидан чойхонада тайёрланган. Таом 15 кишилик.

Картошка, пиёз, сабзи ва саримсоқпиёз артилиб, бироз сувга солиб қўйилади. Карам 6-8 бўлакка бўлиниб, орасига туз сепиб қўйилади...

Бақлажонли салат

жума, 2015 Май 15    Лола

Тухум, ун ва туз идишга солиниб, аралаштирилади. Бақлажонлар 5-7 см қалинликда паррак қилиб тўғралади ва тухумли аралашмага ботириб олиниб, товада, ёғда икки томони қизаргунича қовурилади.

Кабачкили салат

сешанба, 2015 Май 12    Лола

Кабачкилар ювилиб, 0,5 - 0,7 см қалинликда паррак қилиб тўғралади. Тухум, ун, туз идишга солиниб, яхшилаб аталанади. Кабачкилар тухумли массага ботирилиб, товадаги ёғда икки томони қизаргунича қовурилади. Қовурилган кабачкилар совутилади...

Окрошка (яхна шўрва)

жума, 2015 Май 08    Лола

Гўшт шўр сувда 1 соат давомида (гўшт пишгунича) қайнатилинади. Сўнг шўрваси совутишга олиб қўйилиб, гўшт ва бодринг сомонча тўғралади. Картошка ва тухум қирғичнинг йирик тишидан ўтказилинади. Кўкатлар тўғралиб, гўшт қайнаган сувга ҳамма масаллиқлар солинади. Қатиқни ҳам аталаб, солинади. Тузи яна бир бор ростланиб, музлаткичга 1 соатга қўйилади.

"Доллар" салати

пайшанба, 2015 Май 07    Лола

Гўшт паррак қилиб тўғралади. Тухум, бодринг 2га бўлиб паррак тўғралади. Кўк пиёз йирик тўғралади. Ҳамма масаллиқлар устига туз сепилиб, кейин аралаштирилади.

Булғор қалампирли дўлма

чоршанба, 2015 Май 06    Лола

2 та пиёз майда тўғралади. Унга тозаланган гуруч ювилиб, қийма гўшти билан қўшилади. Тузи ростланиб, зираворлар қўшилади. Озгина томат пастаси ҳам қўшиш мумкин. Тайёр қийма тозаланган (думи олинган) булғор қалампири ичига жойланади. Бунда қийма жойлашганидан сўнг қалампир ичига кўрсаткич бармоқ сиғадиган жой қолиши лозим. Бу гуручнинг ишиб, булғор қалампирни ёриб юбормаслиги учун керак.

Товуқли котлет

пайшанба, 2015 Апрел 30    Лола

Нон ивитилади, сўнг, сувидан силқитилиб, қиймага қўшилади. Устига тухум чақилиб, яхшилаб аралаштирилади. Туз ва зираворлар солиниб, яна аралаштирилади. Тайёр бўлган қийма кичик бўлакчаларга бўлиниб, бироз тиндирилади. Товада ёғни бироз қиздириб, унга бўлакчалар керакли шакл берилган (япалоқлаган) ҳолда солинади ва икки томони қизаргунича пиширилади...

Димлама

чоршанба, 2015 Апрел 29    Лола

Гўшт, картошка, карам ва сабзи керакли катталикка бўлинади. Тоза қозон тубига гўшт бўлаклари териб чиқилади. Сўнгра тўғралган пиёз, сабзи, карам ва картошка терилади. Бунда ҳар бир қатлам устига озгинадан туз сепилади. Энг устига тўғралган помидор ва саримсоқпиёз бўлакчалари солинади. Қозон газга қўйилиб, ярим коса сув солинади. Устига зираворлар сепиб, қозон қопқоғи ёпилади. Қайнаб чиққач, олов паслатилиб, 1 соат давомида пиширилади.

Пицца

чоршанба, 2015 Апрел 08    Лола

Идишга унни, газда эриган маргаринни, чой содаси ва тузли қатиқни солинади. Тухумни биттасини сариғи олиб қўйилади ва қолгани идишга солиниб, қўлга ёпишмайдиган юмшоқ хамир қорилади ва 4та бўлакка бўлиниб, 30 дақиқага тиндирилади.
Хамир тингунича начинка тайёрлаймиз...

"Мимоза" салати

сешанба, 2015 Апрел 07    Лола

Идишга консерва балиқ солинади. Устидан санчқида бўлакланади. Балиқ устига сувда қайнатилган ва қирғичдан чиқарилган картошка солинади. Унинг устига қайнатилган тухум оқи қирғичдан чиқарилади. Кейинги қатламга майонез суртилади. Устига қирғичдан чиқарилган пишлоқ сепилади. Қолган тухум сариғи билан салат безатилади.
Ёқимли иштаҳа!

Манти

душанба, 2015 Апрел 06    Лола

Идишга унни солиб, шўр сувда хамир қорамиз. Хамир тингунича қийма тайёрлаймиз. Гўшт ва пиёз майда кубик тўғралади. Зираворлар солиб, тузи ростланади.
Тинган хамир юпқа қилиб ёйилади. Ёйилган хамир тахланиб, 5 бармоқ энлигида кесилади. Ҳар бир бўлакка қийма солиб, тугилади...

"Баҳор" салати

якшанба, 2015 Апрел 05    Лола

Бодринг, тухум, помидор узунасига 4га бўлиниб, паррак тўғралади. Кўкатлар йирик тўғралади.
Бринза кубик тўғралади. Ҳамма масаллиқлар аралаштирилиб, тузи ростланади.
Ёқимли иштаҳа!

"Сирли тун" ширинлиги

жума, 2015 Апрел 03    Лола

Крем: Уй ҳароратида эриган маргаринга қуюлтирилган сутни қўшиб, миксерда аралаштирамиз.
Глазур: 1 дона қора плитка сув ваннасида эритилиб маргарин қўшилади.
8 дона тухум шакар билан миксерда аралаштирилади. 600 гр. сметана, чой сода - уксус, разрихлител алоҳида идишда аралаштирилиб, тухумли массага қўшилиб, аралаштиришда давом эттирилади...

Пегодя

чоршанба, 2015 Апрел 01    Лола

Ун идишга солиниб, ўртаси очилади ва ичига хамиртуруш, илиқ шўр сув солиб, қўлга ёпишмайдиган юмшоқ хамир қорилади. Хамирни ўраб, ошиши учун иссиқ жойга қўйилади.
Хамир ошгунича қийма тайёрланади...

Пиёзли қатлама

якшанба, 2015 Март 29    Лола

Тузли сувга хамир қорилади ва тиндирилади. Пиёз артилиб, майда тўғралиб, эзилади. Хамир ёйилиб, устига омухта ёғ суртилиб, пиёз сепилади. Сўнг хамир ўралиб, рулет ҳолига келтирилади. Рулетлар 3-4 га бўлиниб, кулчалар ясалади ва тиндирилади. Тинган кулчалар това катталигига мосланиб, ёйилади ва озгина ёғда икки томони қизаргунича пиширилади.

Хонаки сухарик

сешанба, 2015 Март 24    Лола

Кўпчилигимизга маълум, ҳозирда дўконларда турли таъмли нон сухариклари (кириешкалар) сотилади. Болаларимиз уларни яхши кўриб истеъмол қилишади. Лекин уларнинг ҳажми кам. Болаларимиз 1-2 қутисига туйишмайди. Фарзандларимизни янада хурсанд қилиш учун биз сухарикларни уй шароитида тайёрлаймиз..

"Мафтун" салати

шанба, 2015 Март 21    Лола

Тухум сувда пишириб, артилади. Бодринг, колбаса, қўзиқорин, тухум ва салат барги сомонча шаклида тўғралади. Ҳамма масаллиқлар майонез билан аралаштирилади. Тайёр салат ликопчаларда дастурхонга тортилади.
Ёқимли иштаҳа!

Ток дўлма

жума, 2015 Март 20    Лола

Гуруч тозаланиб, ювилади. Пиёзнинг 3 дан 2 қисми майда тўғралади. Қийма гўш, гуруч, тўғралган пиёз, зираворлар қўшиб қийма қиламиз. Агар ток барглари тузланган (консерваланган) бўлса, муздек сувда яхшилаб ювилади.
Барра (янги) ток барглари бўлса, иссиқ сувга юмшагунича солинади. Баргларни тескари томонига қийма қўйиб тугилади. Қозонга ёғ солиб қиздирилади ва пиёз солинади. Пиёз новвотранг тусга киргунича қовурилади. Сўнг, картошка ва сабзи солиниб, бироз қовурилади...

Қорин рулет

душанба, 2015 Март 16    Лола

Ювиб, тозаланган қорин ички тарафининг 1 четига гўшт, сабзи, саримсоқ пиёз, кўкатлар устма-уст терилади. Қатлам орасига таъбга кўра зираворлар сепилади.

Қорин зич қилиб ўралиб, рулет ҳолига келтирилади. Ўрама рулетни қаттиқ каноп ёки ип билан зичлаб бойланади. Ва 4 соат мобайнида қайнатиб пиширилади.

Ёқимли иштаҳа!

Исмалоқли салат

якшанба, 2015 Март 15    Лола

Камқонликни олдини олувчи ва витаминга тўйинтирувчи баҳорий салат.

Исмалоқ тозаланади ва қайнаб турган сувга солиниб, 1 дақиқа мобайнида ушлаб турилади. Сувдан олиб, силқитилади. Пиёз тўғраб, ёғда қовурилади. Силқиган исмалоққа қовурилган пиёз, соя, таъбга кўра зираворлар солиб, аралаштирилади.

Ёқимли иштаҳа!

Рогалик

шанба, 2015 Март 14    Лола

Ун билан маргарин уқаланади. Сметана, чой содаси ва тухум аралаштириб, унли массага қўшилади. Юмшоқ хамир қорилади. Зувалачаларга бўлиб, тиндирилади.

Ҳар бир зувала ёйилиб 8 бўлакка бўлинади. Ҳар бир бўлакка ирис қўйиб ўралади. Ўрамалар ярим ой шаклида газ духовкаси листига терилади.

Олдиндан қиздирилган духовкада енгил қизариш ҳолига келгунича пиширилади. Пишган ўрамалар иссиқ ҳолида шакар упасига эланади.

Ёқимли иштаҳа!

Кўк сомса

жума, 2015 Март 13    Лола

Ундан ўртача юмшоқликда шўр сувга оддий хамир қилинади. Ва бироз тиндириб қўйилади. Кўкатлар тозаланиб, картошка ва гўшт кубик қилиб тўғралади. Тузи ростланади. Тинган хамир юпқа ёйилиб, омухта ёғ суртилади. Хамир рулет ҳолига келтирилиб ўралади. Ва уни музлаткичга 1 соатга қўйилади.

Хамир музлаткичдан олиниб, бўлакларга бўлинади. Ва бўлакчалар чети жўваланиб, думалоқ шакл берилади. Бунда думалоқ шакл ўртасини жўваламасликка ҳаракат қилиш лозим. Сўнгра қийма солиниб, сомса тугилади. Сомсага шакл бериш сизнинг фантазиянгизга боғлиқ. Листга терилган сомсалар устига қатиқ суртиб, мурч сепилади. Ва олдиндан қиздирилган газ духовкасида қизаргунича пиширилади.

"Кўкламой" салати

пайшанба, 2015 Март 12    Лола

Шошилинчда тайёрлаш осон ва тез бўлган витаминларга бой баҳорий салат.

Бодринг ва кўкатлар ювиб, майда тўғралади. Таъбга кўра зираворлар солиб, қатиқ билан аралаштирилади.

Ёқимли иштаҳа.

Ўрамали кулча

чоршанба, 2015 Март 11    Лола

Сут илитилиб, маргарин эритилади. Ун ичига сут, маргарин, ачитқи, ярим стакан шакар, тухум (устига суртиш учун 1 донасининг сариғи олиб қолинади) солинади. Қўлга ёпишмайдиган юмшоқ хамир қорилиб, иссиқ жойга ошгунича (кўтарилгунича) қўйилади. Ошган хамир патнис кенглигида ёйилиб, начинка суртилади. Рулет ҳолатида ўралади.
Рулет ўртасидан 2га бўлиниб, арқон холатидай буралади. Устига тухум сариғи суртилиб, олдиндан қиздирилган газ духовкасига қўйиб, 40 минут мобайнида (қизаргунича) пиширилади.
Ёқимли иштаҳа!

"Баури" салати

якшанба, 2015 Март 08    Лола

Тухум сувда пишириб, артилади. Бодринг, колбаса, қўзиқорин, тухум сомонча шаклида тўғралади. Пишлоқ қирғичнинг йирик тишидан чиқарилади. Ҳамма масаллиқлар майонез билан аралаштирилади. Тайёр салат ликопчаларда дастурхонга тортилади.
Ёқимли иштаҳа!

Қўзиқорин мариновкаси

жума, 2015 Март 06    Лола

Қўзиқорин сувда ювиб, тозаланади. Кастрюлкага сув билан солиниб, оловга қўйилади. Қайнаб чиққанидан сўнг, олов пасайтирилиб, 10 дақиқа мобайнида қайнатилади. Сўнг, қайнаган суви тўкиб ташланади ва пишган қўзиқоринлар шу ёки бошқа идишда мариновка қилинади.

Балиш

чоршанба, 2015 Март 04    Лола

Қийма тайёрланиши:

Картошка, думба майда кубик қилиб тўғралади. Кўкатлар тозалаб тўғралади. Зираворлар қўшиб аралаштирилади.

Хамир тайёрланиши:
Ун ичига маргаринни тўғраб соламиз. Ва урвоқ ҳолига келтирамиз. Қатиқни косага солиб, ва истеъмол содаси, туз, тухум оқини қўшиб, яхшилаб аралаштирамиз. Ва унли массага қўшиб, хамир қорамиз. Тайёр хамир 2га бўлинади ва тиндириб қўйилади.....

Чучвара

шанба, 2015 Феврал 21    Лола

1 коса сувда 1 ош қошиқ туз эритилади. Тайёр эритма унга солинади ва 2 тухум та қўшиб, хамир қорилади. Хамир яхшилаб муштлаб, тиндириб қўйилади.
Қозонга сув солиниб газга қўйилади. Сув қайнаб чиққач, 2-3 дона майда тўғралган пиёз ва картошкалар солинади.
Энди қийма тайёрлаймиз.

Қийма кабоб

сешанба, 2015 Феврал 17    Лола

Гўшт бўлакларга бўлинади ва гўшт майдалагичдан артилган пиёз билан уч карра ўтказилади. Сўнг зираворлар ва туз қўшиб, яхшилаб аралаштирилади. Тайёр қийма музлаткичга ярим кунга қўйилади.
Кейин қийма музлаткичдан олиниб, сихларга бир маромда жойланади.
Қўрага олов ёқилиб, қиздирилади. Бунда кўмир, яхши қуриган ўтин ёки қуриган жўхори сўтасини ишлатиш мумкин. Олов ўчиб, қурада чўғ бўлгач, кабоблар пиширилади.
Тайёр бўлган кабоблар ликопчада тўғралган пиёз билан бирга дастурхонга тортилади.

Лимонли торт

пайшанба, 2015 Феврал 12    Лола

Хамирни тайёрлаш: 6 та тухум сариғи 1 стакан шакар билан кўпиртирилади. Сода, сметана ва ун қўшилиб хамир қорилади. 3 та кулча пиширилиб, орасига крем суртиб, устма-уст қўйилгач, тепаси қирилган шоколад билан безалади.
Крем тайёрлаш: 6 та тухум оқи яхшилаб кўпиртирилиб, 1 стакан шакар билан қирғичдан ўтказилган лимон қўшилади. Хоҳласангиз, 1 стакан майдаланган ёнғоқ мағзи ҳам қўшишингиз мумкин.

Гулкарам шўрва

душанба, 2015 Феврал 09    Лола

Мол ёки қўй гўштининг ёғлироқ жойи ва суякларидан солиб, пиёз қўшиб қайнатилади, сўнгра гулкарамнинг гул шохларини ўзагидан ажратиб, кубик шаклида тўғралган сабзи билан бирга қайнаб турган шўрвага солиб пиширилади. Шунингдек, шўрвага паррак қилиб тўғралган картошка солингандан кейин оловни пасайтириб, 20 минут дақиқа давомида милтиратиб қайнатилади. Сўнгра тайёр таомни косаларга сузиб, бетига кашнич ва кўк пиёз сепилган ҳолда дастурхонга тортилади.

Наполеон

жума, 2015 Феврал 06    Лола

Маргаринни ун билан урвоқ қиламиз. Сувда тузни эритиб хамир қорамиз. Хамирни 7 бўлакка бўлиб, 2 соатга тиндирамиз. Зувалачаларни духовка листида 1 тадан пишириб оламиз.

Крем учун махсус маргарин билан қуюлтирилган сут аралаштирилиб, крем тайёрлаймиз. Коржлар орасига крем суртиб, 6 қатлам тахлаймиз. Коржларни 1 тасини майдалаб, устига урвоқ қиламиз.

Гулкарам қовурма

чоршанба, 2015 Феврал 04    Лола

Гулкарамнинг гул шохларини ўзагидан ажратиб олинади. Масаллиқни совуқ сувда бир-икки чайқаб олингандан сўнг қайнаб турган тузли сувга солиб қайнатиб олинади. Ярим тайёр карамни доғланган думба ёғида пиёз билан бирга қовуриб пиширилади. Таомни дастурхонга ликопчаларда тортилади.

Пахлава

якшанба, 2015 Феврал 01    Лола

Тоғорачада маргаринни ун билан уқалаб урвоқ ҳолатига келтирамиз ва унга 5 та тухум сариғини соламиз. 1 та тухум сариғини пиёлага солиб қўямиз. Устига сметана, сода, ун, ванилин солиб юмшоқ хамир қорамиз. Хамирни 3 бўлакка бўлиб тиндирамиз.

"Айсберг" салати

пайшанба, 2015 Январ 22    Лола

Айсберг тўртбурчак қилиб тўғралади. Қайнатилган (пишган) тухум 2 га бўлиб, паррак қилиб тўғралади. Товуқ гўшти ҳам паррак қилиб тўғралади. Кўкатлар майда тўғралади. Ҳамма масаллиқни майонез ва жўхори билан аралаштирилади.

Гуручли товуқ шўрва

сешанба, 2015 Январ 20    Лола

Товуқ гўшти қозонга солиниб қайнатилади. Қайнаб чиққанидан сўнг кўпиги олинади. Олов ош дамланадиган пастликда пасайтирилиб, қозон қопқоғи ёпилади. Ва шу ҳолатда 3 соат қайнайди.
Гуруч пишириладиган қозон (кашаварка)да пишириб олинади.
Пиёз ва кўкатлар (кашнич, кўк пиез) тўғралади. Саримсоқ пиёз янчилади.
Зираворлардан янчилган кашнич уруғи, янчилган қизил қалампир, туз, хитой тузи, кунжут.

"Дармон-дори" салати

душанба, 2015 Январ 19    Лола

Қайнатилган лавлаги қирғичнинг йирик тишидан чиқарилади. Ёнғоқ ва саримсоқ пиёз эзилади, ёки майда тўғралади. Тайёр массага майонез қўшилади.

Ёнғоқ ёки саримсоқ пиёзни хушламайдиганлар уни қўшмаса ҳам бўлади.

"Чумоли уяси" ширинлиги

якшанба, 2015 Январ 18    Лола

Маргарин қирғичдан чиқарилади. Ун билан аралаштирилади. Қатиқга чой содаси қўшиб, унга қўшилади. 2 та чухум чақиб юборилади. Хамма массалиқлар аралаштирилиб, қаттиқ хамир қорилади. Ун хамир қаттиқ бўлгунича қушилади. Ва музлаткичга 5-6 соатга қўйилади.
Хамирни қирғични йирик тишидан чиқарилиб, олдиндан қиздирилган духовка печида қизаргунича пиширилади. Пишган хамир совутилиб, майдаланиб, қуюлтирилган сутни қўшиб аралаштирилади. Тайёр бўлган массага шакл берилади...

Витаминга бой салат

душанба, 2015 Январ 12    Лола

Саримсоқ пиёзни майда тўғраб, карам, зираворлар ҳамда ёғ билан яхшилаб аралаштирилади. Устига 0,5 чой қошиқда сирка солинади ва усти беркитилади.

Қолган масаллиқлар сомонча усулида тўғралади. Сўнгра ҳамма масаллиқлар бирга аралаштирилади.

Бу салатга гўшт қўшилса, янада мазали ва ҳушхўр бўлади.

Қулупной мураббо

якшанба, 2015 Январ 11    Лола

Қулупной ювилади ва тозаланади. Катта хажмдаги қайнатиладиган идишга солиб, устидан шакар солинади.

Тахминан 5-6 соат тургач, идиш оловга қўйилади. 15 дақиқа қайнаб чиққанидан сўнг, идиш оловдан олинади ва совутилади. Сўнгра яна 15 дақиқага оловга қўйилади. Бу ҳол қайнаш дақиқалари 45 га етгунича такрорланади, яъни, 3 маротаба.

Сўнг, аввалдан ювиб қурутилган банкаларга солинади ва темир қопқоқ билан маҳкамланади.

Қулупнойли компот

душанба, 2015 Январ 05    Лола

Биринчи навбатда қулупной ювилиб, тозаланади.

Олдиндан ювиб, қуритилиб, стерилланган банкаларга қулупной солинади. 3 литрли банкага 1 коса қулупной ва 200 гр. шакар солинади.

Сўнгра уни устидан шақиллаб қайнаб турган сув солинади. Банкалар оғзи темир қопқоқда ёпилиб, тўмпарилади. Банкалар усти қалин нарсалар билан ўралади ва шу ҳолатда 3 кун давомида совутилади.

Бодрингли салат

якшанба, 2015 Январ 04    Лола

Бодринг сомонча тўғралади. Сабзи қирғичнинг йирик тишидан чиқарилади. Кўкатлар майда тўғралади. Қизиб турган ёғда пиёз новвот ранг тус олгунича қовурилади. Устига қийма солиниб пишгунича қовурилади. Тайёр массани таъбга кўра зираворлар қўшиб аралаштирилади.