Ток дўлма

 жума, 2015 Март 20    Лола Хакимова  

Керакли масаллиқлар:

1. Қийма - 0.5 кг.

2. Пиёз - 4-5 дона.

3. Гуруч - 0,5 кг.

4. Картошка - 5-6 дона.

5. Сабзи - 1-2 дона.

6. Саримсоқ пиёз - 1 боғ

7. Ток барги.

8. Зираворлар.

9. Томат пастаси.

 

Тайёрланиши:

Гуруч тозаланиб, ювилади. Пиёзнинг 3 дан 2 қисми майда тўғралади. Қийма гўш, гуруч, тўғралган пиёз, зираворлар қўшиб қийма қиламиз.

Агар ток барглари тузланган (консерваланган) бўлса, муздек сувда яхшилаб ювилади.
Барра (янги) ток барглари бўлса, иссиқ сувга юмшагунича солинади. Баргларни тескари томонига қийма қўйиб тугилади.

Қозонга ёғ солиб қиздирилади ва пиёз солинади. Пиёз новвотранг тусга киргунича қовурилади. Сўнг, картошка ва сабзи солиниб, бироз қовурилади.

Қовурилаётган массага томат паста, саримсоқ пиёз, зираворлар ва туз солиб, яна 2-3 дақиқа қовурилади. Сўнг, 1 коса сув солиб, қозон таги олови пасайтирилади.

Тайёр ўралган токлар қайнаб турган масса устига териб чиқилади.

Қозон таги олови баланд қилиниб, токлар кўмилгунича қайнаган сув солинади.

Суб қайнаб чиққач, олов ўртача пастликка тушурилиб, 10-15 дақиқа қайнатилади. Сўнг, олов палов дамланадиган пастликка тушурилиб, қозон қопқоғи ёпилади ва 30 дақиқа димланади.
Ёқимли иштаҳа!

---

---

Ижтимоий тармоқларда дўстларингизга тавсия этинг