Бекалар учун янги тавсиялар

чоршанба, 2015 Июн 03 Лола Хакимова

Микробларга қарши курашамиз

Овқат сузишдан олдин идишларни қайноқ сувда чайиб олинг, чунки идиш-товоқдан кукун (гел) ҳиди келиши ёки тоза ювилган идишларга чанг қўнган бўлиши мумкин.
Идиш юваётганда сувга бироз туз ёки истеъмол содаси солинса, микроблар ҳалок бўлади.
Бирон идишга ёғоч қипиғи солиниб, идиш-тавоқ жавонига қўйилса, озиқ-овқат махсулотлари айнимайди, ичкарини моғор босмайди.

Хамир қориш сири.

Хамир қилинадиган унни гарчи тоза бўлсада элаб ишлатинг. Эланганда унинг орасига ҳаво кириб, ҳамир яхши кўпчийди.
Қайноқ сувга ҳамир қориб бўлмайди. Негаки қайноқ сув хамирни тириштириб, ёйишни қийинлаштиради ва кўпчитмайди ҳам.
Хамирни ўз ҳажмидан 2 баравар катта тоғорада қоринг.
Хамир қораётганда сувни бирдан қўшманг. Оз-оздан қўшсангиз хамир тез қорилади.
Хамир маҳсулотларнинг орқаси тандирга ёпишиб, тушиб қолмаслиги учун ёпишдан олдин қизиган тандир деворларига номакоп сепинг.

Гўштни пишираётганда

Гўштга туз сепиб қовурилса сели яхши чиқади.
Гўшт совуқ сувга солиниб, аста секин қайнатиб пиширилса, шўрваси ширин бўлади.
Агар гўштдаги моддалар кўпроқ сақланиб қолсин десангиз, уни биқирлаб қайнаб турган сувга солиб ёки қовуриб пиширинг.

Ижтимоий тармоқларда дўстларингизга тавсия этинг