Лимонли торт

Хамирни тайёрлаш: 6 та тухум сариғи 1 стакан шакар билан кўпиртирилади. Сода, сметана ва ун қўшилиб хамир қорилади. 3 та кулча пиширилиб, орасига крем суртиб, устма-уст қўйилгач, тепаси қирилган шоколад билан безалади.
Крем тайёрлаш: 6 та тухум оқи яхшилаб кўпиртирилиб, 1 стакан шакар билан қирғичдан ўтказилган лимон қўшилади. Хоҳласангиз, 1 стакан майдаланган ёнғоқ мағзи ҳам қўшишингиз мумкин.

Рулетли торт

Енгил ва осон тайёрланадиган торт.

Тухумлар сариғидан ажратилиб, оқи қаттиқ бўлгунича кўпиртирилади. Сўнг, оз-оздан шакар солиниб, кўпиртиришда давом эттирилади. Қаттиқ бўлганидан сўнг, битта-биттадан тухум сариғлари ва ун солиниб, аралаштирилади. Аралашма листга текис қилиб ёйилиб, совиган духовкада пиширилади.

Норин

Норин шоҳона таом бўлиб, ўзбек миллий таомлари орасида тайёрланиши анча мураккаб бўлган таомдир. Асосан йилнинг совуқ фаслларида тайёрланади. Таомни таъбга қараб мол ёки от гўштидан тайёрлаш мумкин.

Помидор билан озишнинг 3 усули

Помидорли парҳез қисқа муддат ичида ортиқча вазндан халос бўлишни ва шу билан бирга саломатлигини тиклаб олишни истайдиганлар учун айни муддао. Парҳезшуносларнинг таъкидлашича, помидор кам калорияли маҳсулотлар сафига кириб, организмда моддалар алмашинуви бузилиши жараёнини олдини олади...

Кузда тери нималарга муҳтож бўлади?

Куз келиши билан об-ҳаво ҳам ўзгаради. Совуқ, шамол ва ёмғирлар терига, албатта, ўз таъсирини кўрсатади. Куз мавсумида юз терисидан тортиб, сочлар ва қўллар алоҳида парваришни талаб этади. Мутахассисларнинг таъкидлашича, кузда ишлатиладиган косметика воситалари таркибида ҳар хил ёғлар қанча кўп бўлса шунча яхши.

Дунган қалампирли консерва

Қизил сабзи артилиб, йирик сомонча шаклида тўғралади. Помидор ювилиб, бўлиниб, гўшт қиймалагичнинг йирик тишидан чиқарилади. Дунган қалампири ювилиб, қуритилади. Қозонга ёғ солиниб, тўғралган сабзи ўлгунича қовурилади. Сўнг устига помидор солинади. Бироз сувини тортиб, қуйилгач, дунган қалампири солинади. Қалампирлар юмшаб пишгач, тузи ростланиб, банкаларга ёпилади...

Зайтун мойидан фойдаланишнинг 7 усули

Зайтун мойи ёғлар орасида энг фойдалиси ҳисобланади. Унинг ёрдамида киши ошқозон ва ичак касалликларини даволаш мумкин. Лекин бугун биз зайтун мойининг бошқа фойдали хусусиятлари ҳақида ҳикоя қиламиз. Зайтун мойи гўзаллик эликсири ҳисобланади. У терини намлантириб, рангини яхшилайди ва ажинларни йўқотади.

Сабзавотлардан ниқоб тайёрлаш

Азиз бекажонлар, доим баҳор гулларидек гўзал ва бетакрор бўлиб юришни истасангиз, саҳифамизда берилган юз териси ниқобларидан мунтазам равишда фойдаланишга ҳаракат қилинг. Уй шароитида тайёрланган бир марталик ниқоблар таркибида консервантлар бўлмаганлиги туфайли ҳар доим энг фойдали ва албатта, самарали ҳисобланиб келган. Янги, табиий ниқоблар терини тозалаб, озиқлантиради, намлантириб, таранглаштиради ва юз териси рангини тиниқлаштиради.

Болада тажовузкорлик кайфияти бўлса

Аксарият болалар икки ва тўрт ёш орасида ўз ҳолатини тушунтиришнинг ягона ифодаси сифатида уриш ёки тишлаш мулоқот усулини танлаган даврни бошдан кечиришади. Ҳали нутқи ривожланмагани ҳамда ўз истак ва сўровларини бошқача йўл билан айтишни билмагани учун муштлар ва ўткир тишлар ёрдамидан фойдаланишга мойил бўлишади.

Бўйи паст аёлларга қандай либослар ярашади?

Аксарият қизлар бўйлари паст эканлигидан хижолат тортиб юришади. Аслида бу камчилик эмас, аммо бу ҳолат сизга ноқулайлик туғдираётган бўлса, ёрдам беришга тайёрмиз! Демак, саҳифамизда сизнинг муаммоингизни оддий усулда — кийимлар ёрдамида ҳал қилишга уриниб кўрамиз!

Тухумнинг қай бири фойдали: оқими ёки жигарранги?

Пишириқ учун: айрим қандолатчилар фикрича, пишириққа тухум танлаётганда ўта эҳтиёткор бўлиш лозим. Уй тухуми қанчалик мазали ва фойдали бўлмасин, ундан кўп пишириқ тайёрлаб бўлмайди. Масалан торт учун бисквит пиширсангиз, ранги сарғимтир, кўриниши ҳам пастроқ бўлади.

Бировнинг устидан кулмагин зинҳор

Ҳаётда жиддий нуқсонга эга бўлган, оғир аҳволда қолган одамлар кўп, лекин уларнинг устидан кулиш керак эмас. Сизни ҳам унинг аҳволига тушмаслигингизга хеч ким кафолат бермайди. Қуйидаги бўлган воқеа буни исботидир. Уч дугона ўқишдан уйга қайтаётган эдилар. Уларнинг кулгуси кўчани тўлдирар ва атрофдагиларни эътиборини тортарди. Бу вақтда қарама-қарши томондан уларга қараб бир йигит келаётган эди. Йигит яқинлашганида қизлар унга кўз ташладилар...

"Мафтун" салати

Тухум сувда пишириб, артилади. Бодринг, колбаса, қўзиқорин, тухум ва салат барги сомонча шаклида тўғралади. Ҳамма масаллиқлар майонез билан аралаштирилади. Тайёр салат ликопчаларда дастурхонга тортилади.
Ёқимли иштаҳа!

"Кўкламой" салати

Шошилинчда тайёрлаш осон ва тез бўлган витаминларга бой баҳорий салат.

Бодринг ва кўкатлар ювиб, майда тўғралади. Таъбга кўра зираворлар солиб, қатиқ билан аралаштирилади.

Ёқимли иштаҳа.

"Баури" салати

Тухум сувда пишириб, артилади. Бодринг, колбаса, қўзиқорин, тухум сомонча шаклида тўғралади. Пишлоқ қирғичнинг йирик тишидан чиқарилади. Ҳамма масаллиқлар майонез билан аралаштирилади. Тайёр салат ликопчаларда дастурхонга тортилади.
Ёқимли иштаҳа!

Қийма кабоб

Гўшт бўлакларга бўлинади ва гўшт майдалагичдан артилган пиёз билан уч карра ўтказилади. Сўнг зираворлар ва туз қўшиб, яхшилаб аралаштирилади. Тайёр қийма музлаткичга ярим кунга қўйилади.
Кейин қийма музлаткичдан олиниб, сихларга бир маромда жойланади.
Қўрага олов ёқилиб, қиздирилади. Бунда кўмир, яхши қуриган ўтин ёки қуриган жўхори сўтасини ишлатиш мумкин. Олов ўчиб, қурада чўғ бўлгач, кабоблар пиширилади.
Тайёр бўлган кабоблар ликопчада тўғралган пиёз билан бирга дастурхонга тортилади.

Лаб бўёғини суртиш

Лаб бўёғи таркибига кирадиган мой, асосан, лаб терисини юмшатади ва уни ташқи таъсир (қуёш, шамол ва ҳоказо)лардан сақлайди. Лаб бўёғи билан оғизнинг шаклини ва катта-кичиклигини бир оз ўзгартириш мумкин. Агар оғиз катта бўлса, бўёқни оғизнинг икки чеккасига етказмай, лабнинг ўрта қисмига сурилади; агар оғиз кичик бўлса, лабнинг бутун сиртига сурилади; юқори лаб кенг бўлса, пастки лаб қуюқ қилиб бўялади; лаб юпқа бўлса, юқори лаб қуюқ қилиб бўялади. Лаблар қалин бўлса, бўёқни лабнинг табиий чизиғига етказмай суриш керак. Агар лаблар юпқа бўлса, лабнинг атрофига бўёқдан чизиқ чизиб чиқилади. Бунда аввал оғизнинг атрофига бўёқдан чизиқ тортилиши, кейин лабнинг барча юзи бўялиши тавсия этилади.

Гулкарам шўрва

Мол ёки қўй гўштининг ёғлироқ жойи ва суякларидан солиб, пиёз қўшиб қайнатилади, сўнгра гулкарамнинг гул шохларини ўзагидан ажратиб, кубик шаклида тўғралган сабзи билан бирга қайнаб турган шўрвага солиб пиширилади. Шунингдек, шўрвага паррак қилиб тўғралган картошка солингандан кейин оловни пасайтириб, 20 минут дақиқа давомида милтиратиб қайнатилади. Сўнгра тайёр таомни косаларга сузиб, бетига кашнич ва кўк пиёз сепилган ҳолда дастурхонга тортилади.

Гулкарам қовурма

Гулкарамнинг гул шохларини ўзагидан ажратиб олинади. Масаллиқни совуқ сувда бир-икки чайқаб олингандан сўнг қайнаб турган тузли сувга солиб қайнатиб олинади. Ярим тайёр карамни доғланган думба ёғида пиёз билан бирга қовуриб пиширилади. Таомни дастурхонга ликопчаларда тортилади.

Витаминга бой салат

Саримсоқ пиёзни майда тўғраб, карам, зираворлар ҳамда ёғ билан яхшилаб аралаштирилади. Устига 0,5 чой қошиқда сирка солинади ва усти беркитилади.

Қолган масаллиқлар сомонча усулида тўғралади. Сўнгра ҳамма масаллиқлар бирга аралаштирилади.

Бу салатга гўшт қўшилса, янада мазали ва ҳушхўр бўлади.