Beka.uz - шарқ аёлларига маслаҳатлар тўплами!

Beka.uz - шарқ аёлларига маслаҳатлар тўплами!

Таомлар

Таомлар

Турли миллатларга мансуб ва ўзбек миллий таомлар рецептлари. Масаллиқларни танлаш, ишлатиш ва сақлаш борасида маслаҳатлар.

 



Бешбармоқ

якшанба, 2018 Январ 07    Лола

Биринчи навбатда, қозонда, гўштлар, қази, туз ва зира солиниб, 3 соат давомида сувда қайнатилади. Сув биринчи қайнаб чиққан вақтида кўпикни олиш керак. Ёдингизда бўлсин! Кўпикни қанчалик эринмай олсангиз, сув шунчалик тиниқ бўлади.

1 коса сувда 1 ош қошиқ туз эритилади. Тайёр эритма унга солинади ва 2 та тухум қўшиб, хамир қорилади. Хамир яхшилаб муштлаб, тиндириб қўйилади. Тинган хамиримиз юпқа, бир текисда қилиб ёйилади. Хамир қалинлиги чучвара хамири қалинлигидек (2-3 мм) булади. Ёйилган хамир, 8 га 8 тўртбурчак қилиб қесилади. Хамир бўлакчалари алоҳида сувда пиширилади.

Батафсил...
 

Шилпилдоқ

шанба, 2018 Январ 06    Лола

Қозондаги қизиган ёғга олдин пиёзни солиб, новвот ранг тус олгунича қовурамиз. Сўнг, гўштни солиб, қовуришда давом этамиз. Кейин помидор қайласи. Сўнгра, картошка, сабзи, булғор қалампирлари, саримсоқ пиёз бўлакчалари кетма-кет солиниб, масаллиқлар чиройли қизил тус олгунича қовурамиз. Таъбга кўра, саримсоқ пиёз (яшил) ва сельдерей солиш мумкин.

Батафсил...
 

Гўштли рулет

чоршанба, 2015 Сентябр 23    Лола

Тухумни оқини шакар билан аралаштириб, иссиқ сутга солинади. Сўнг, 2 стакан ун билан ачитқи солиниб, суюқ хамир қорилади ва 2 соатга музлаткичга қўйилади. Сўнг, суюқ хамир музлаткичдан олиниб, тўз, ёғ, 3та тухум сариғи ва ун солиниб, юмшоқ хамир қорилади.
Батафсил...
 

Холодец

якшанба, 2015 Сентябр 20    Лола

Мол оёғи сувда суягидан ажралгунича қайнатилади. Сўнг, сувдан олиб, суягидан ажратиб, тўғраб, қайта солинади. Устига гўшт майда тўғралиб солинади. Гўшт пишгач, туз ва зираворлар, тўғралган саримсоқпиёз солиб, яна 5-10 дақиқа қайнатилади. 

Батафсил...
 

Норин

жума, 2015 Сентябр 18    Лола

Норин шоҳона таом бўлиб, ўзбек миллий таомлари орасида тайёрланиши анча мураккаб бўлган таомдир. Асосан йилнинг совуқ фаслларида тайёрланади. Таомни таъбга қараб мол ёки от гўштидан тайёрлаш мумкин.

Батафсил...
 

Қовоқ димлама

пайшанба, 2015 Август 20    Лола

Ҳамма масаллиқлар йирик бўлакланади. Қозон тубига биринчи парраклаб кесилган думба бўлаклари териб чиқилади. Кейин, пиёз, гўшт, картошка ва қолган масаллиқлар солинади (териб чиқилади). Ҳар бир қатлам орасига туз ва зираворларни соласиз (ҳоҳишга қараб). Энг устига қовоқ бўлаклари солинади...

Батафсил...
 

Хоним

чоршанба, 2015 Август 19    Лола

Шўр сувга оддий хамир қорилади. Хамир тингунча қиймасини тайёрлаймиз. Картошка ва пиёз артиб, сомонча тўғралади. Чарви ёғ майда кубик тўғралади. Ҳамма масаллиқлар аралаштирилиб, зираворлар солиниб, тузи ростланади. Тинган хамир иложи борича юпқа қилиб ёйилади...

Батафсил...
 

Гречка палов

жума, 2015 Август 14    Лола

Ҳамма масаллиқлар кераклича хажмда майдалаб тўғралади. Қизиб турган қозондаги ёғга пиёз солиб, новвот ранг бўлгунича қовурилади. Сўнг гўшт солинади. Бироз қовурилгач, помидор солинади. Яна бироздан сўнг картошка, сабзи, булғор қалампирлари, саримсоқ пиёғ ва кўкат кетма-кет солиниб, қовурилади. Тузи ростланиб, сув солинади....

Батафсил...
 

Қовоқ сомса

шанба, 2015 Август 08    Лола

Қовоқ, картошка, пиёз ва думба ёғи кубик қилиб тўғралади. Тузи ростланади. Тинган хамир юпқа ёйилиб, омухта ёғ суртилади. Хамир рулет ҳолига келтирилиб ўралади. Ва уни музлаткичга 1 соатга қўйилади. Хамир музлаткичдан олиниб, бўлакларга бўлинади. Ва бўлакчалар чети жўваланиб, думалоқ шакл берилади. Бунда думалоқ шакл ўртасини жўваламасликка ҳаракат қилиш лозим...

Батафсил...
 

Қуймоқ

якшанба, 2015 Июл 12    Лола

10 та тухум идишга чақилади, ичига ун, разрыхлитель (қавартма), ёғ ва таъбга кўра туз солинади. Бу ҳамма масса блендерда яхшилаб аралаштирилади. Духовка листини ёғлаб, ичига аралашма солинади.Ва унинг устига паррак қилиб тўғралган сосиска керакли миқдорда солинади. Бу листни олдиндан қиздирилган духовка ичига қўйилади. Ўртача оловда 10-15 дақиқа пиширилади.

Батафсил...
 

Кўза шўрва

пайшанба, 2015 Июл 09    Лола

Кўзаларнинг ичига, аввал, керакли бўлакларга бўлинган гўшт, сабзи, картошка, помидор, пиёз, саримсоқ пиёз, булғор қалампирлари, кўкатлар солинади ва тузи ростланади. Таъбингизга кўра зираворлар солса ҳам бўлади. Устидан, масалллиқларни кўмгунича сув солинади. Сўнг, кўзалар олдиндан қиздирилган газ духовкасига жойлаштирилади. Кўзадаги сув қайнаб чиққач, газ духовкасининг олови ўртача пасайтирилади.

Батафсил...
 

Кесма лағмон

сешанба, 2015 Июл 07    Лола

Қозонга 1 чўмич ёғ солинади. Ёғ қизигач, тўғралган пиёз солиб, қизаргунича қовурилади. Сўнг, йирик сомонча шаклида тўғралган гўшт солинади. Гўшт бироз қовурилгач, устига тўғралган помидор солинади ва қовуришда давом этилади. Помидор эзилиб, йўқ бўлгач, 1 коса сув солинади. Сув қайнаб чиққач, олов пасайтирилиб, гўшт пишгунича қайнатилинади. Солинган 1 коса сув камайиб, қовуриш ҳолига етганида, олов баландлатилади.

Батафсил...
 

Тошкентча ош (палов)

шанба, 2015 Июн 27    Лола

Қозонга ёғ солинади. Ва у қизигач, гўшт солиниб, қизаргунича қовурилади. Устига тўғралган пиёз солиб, уни ҳам қизаргунича қовурилади. Ошни ранги пиёзни қовурилишига қараб ўзгаради. Агар сиз оқишроқ ошни ҳоҳласангиз, пиёзни кўп қизартириб қовурманг. Агар пиёзни гўшт рангига яқин қизартириб қовурсангиз, ош қизил тусда бўлади.

Батафсил...
 

Чойхона димлама

шанба, 2015 Май 16    Бахром

Ушбу таом бош ошпаз Ҳислат ака бошчилигида эркаклар томонидан чойхонада тайёрланган. Таом 15 кишилик.

Картошка, пиёз, сабзи ва саримсоқпиёз артилиб, бироз сувга солиб қўйилади. Карам 6-8 бўлакка бўлиниб, орасига туз сепиб қўйилади...

Батафсил...
 

Окрошка (яхна шўрва)

жума, 2015 Май 08    Лола

Гўшт шўр сувда 1 соат давомида (гўшт пишгунича) қайнатилинади. Сўнг шўрваси совутишга олиб қўйилиб, гўшт ва бодринг сомонча тўғралади. Картошка ва тухум қирғичнинг йирик тишидан ўтказилинади. Кўкатлар тўғралиб, гўшт қайнаган сувга ҳамма масаллиқлар солинади. Қатиқни ҳам аталаб, солинади. Тузи яна бир бор ростланиб, музлаткичга 1 соатга қўйилади.

Батафсил...
 

Булғор қалампирли дўлма

чоршанба, 2015 Май 06    Лола

2 та пиёз майда тўғралади. Унга тозаланган гуруч ювилиб, қийма гўшти билан қўшилади. Тузи ростланиб, зираворлар қўшилади. Озгина томат пастаси ҳам қўшиш мумкин. Тайёр қийма тозаланган (думи олинган) булғор қалампири ичига жойланади. Бунда қийма жойлашганидан сўнг қалампир ичига кўрсаткич бармоқ сиғадиган жой қолиши лозим. Бу гуручнинг ишиб, булғор қалампирни ёриб юбормаслиги учун керак.

Батафсил...
 

Товуқли котлет

пайшанба, 2015 Апрел 30    Лола

Нон ивитилади, сўнг, сувидан силқитилиб, қиймага қўшилади. Устига тухум чақилиб, яхшилаб аралаштирилади. Туз ва зираворлар солиниб, яна аралаштирилади. Тайёр бўлган қийма кичик бўлакчаларга бўлиниб, бироз тиндирилади. Товада ёғни бироз қиздириб, унга бўлакчалар керакли шакл берилган (япалоқлаган) ҳолда солинади ва икки томони қизаргунича пиширилади...

Батафсил...
 

Димлама

чоршанба, 2015 Апрел 29    Лола

Гўшт, картошка, карам ва сабзи керакли катталикка бўлинади. Тоза қозон тубига гўшт бўлаклари териб чиқилади. Сўнгра тўғралган пиёз, сабзи, карам ва картошка терилади. Бунда ҳар бир қатлам устига озгинадан туз сепилади. Энг устига тўғралган помидор ва саримсоқпиёз бўлакчалари солинади. Қозон газга қўйилиб, ярим коса сув солинади. Устига зираворлар сепиб, қозон қопқоғи ёпилади. Қайнаб чиққач, олов паслатилиб, 1 соат давомида пиширилади.

Батафсил...
 

Пицца

чоршанба, 2015 Апрел 08    Лола

Идишга унни, газда эриган маргаринни, чой содаси ва тузли қатиқни солинади. Тухумни биттасини сариғи олиб қўйилади ва қолгани идишга солиниб, қўлга ёпишмайдиган юмшоқ хамир қорилади ва 4та бўлакка бўлиниб, 30 дақиқага тиндирилади.
Хамир тингунича начинка тайёрлаймиз...

Батафсил...
 

Манти

душанба, 2015 Апрел 06    Лола

Идишга унни солиб, шўр сувда хамир қорамиз. Хамир тингунича қийма тайёрлаймиз. Гўшт ва пиёз майда кубик тўғралади. Зираворлар солиб, тузи ростланади.
Тинган хамир юпқа қилиб ёйилади. Ёйилган хамир тахланиб, 5 бармоқ энлигида кесилади. Ҳар бир бўлакка қийма солиб, тугилади...

Батафсил...
 

Пегодя

чоршанба, 2015 Апрел 01    Лола

Ун идишга солиниб, ўртаси очилади ва ичига хамиртуруш, илиқ шўр сув солиб, қўлга ёпишмайдиган юмшоқ хамир қорилади. Хамирни ўраб, ошиши учун иссиқ жойга қўйилади.
Хамир ошгунича қийма тайёрланади...

Батафсил...
 

Пиёзли қатлама

якшанба, 2015 Март 29    Лола

Тузли сувга хамир қорилади ва тиндирилади. Пиёз артилиб, майда тўғралиб, эзилади. Хамир ёйилиб, устига омухта ёғ суртилиб, пиёз сепилади. Сўнг хамир ўралиб, рулет ҳолига келтирилади. Рулетлар 3-4 га бўлиниб, кулчалар ясалади ва тиндирилади. Тинган кулчалар това катталигига мосланиб, ёйилади ва озгина ёғда икки томони қизаргунича пиширилади.

Батафсил...
 

Хонаки сухарик

сешанба, 2015 Март 24    Лола

Кўпчилигимизга маълум, ҳозирда дўконларда турли таъмли нон сухариклари (кириешкалар) сотилади. Болаларимиз уларни яхши кўриб истеъмол қилишади. Лекин уларнинг ҳажми кам. Болаларимиз 1-2 қутисига туйишмайди. Фарзандларимизни янада хурсанд қилиш учун биз сухарикларни уй шароитида тайёрлаймиз..

Батафсил...
 

Ток дўлма

жума, 2015 Март 20    Лола

Гуруч тозаланиб, ювилади. Пиёзнинг 3 дан 2 қисми майда тўғралади. Қийма гўш, гуруч, тўғралган пиёз, зираворлар қўшиб қийма қиламиз. Агар ток барглари тузланган (консерваланган) бўлса, муздек сувда яхшилаб ювилади.
Барра (янги) ток барглари бўлса, иссиқ сувга юмшагунича солинади. Баргларни тескари томонига қийма қўйиб тугилади. Қозонга ёғ солиб қиздирилади ва пиёз солинади. Пиёз новвотранг тусга киргунича қовурилади. Сўнг, картошка ва сабзи солиниб, бироз қовурилади...

Батафсил...
 

Қорин рулет

душанба, 2015 Март 16    Лола

Ювиб, тозаланган қорин ички тарафининг 1 четига гўшт, сабзи, саримсоқ пиёз, кўкатлар устма-уст терилади. Қатлам орасига таъбга кўра зираворлар сепилади.

Қорин зич қилиб ўралиб, рулет ҳолига келтирилади. Ўрама рулетни қаттиқ каноп ёки ип билан зичлаб бойланади. Ва 4 соат мобайнида қайнатиб пиширилади.

Ёқимли иштаҳа!

Батафсил...
 

Кўк сомса

жума, 2015 Март 13    Лола

Ундан ўртача юмшоқликда шўр сувга оддий хамир қилинади. Ва бироз тиндириб қўйилади. Кўкатлар тозаланиб, картошка ва гўшт кубик қилиб тўғралади. Тузи ростланади. Тинган хамир юпқа ёйилиб, омухта ёғ суртилади. Хамир рулет ҳолига келтирилиб ўралади. Ва уни музлаткичга 1 соатга қўйилади.

Хамир музлаткичдан олиниб, бўлакларга бўлинади. Ва бўлакчалар чети жўваланиб, думалоқ шакл берилади. Бунда думалоқ шакл ўртасини жўваламасликка ҳаракат қилиш лозим. Сўнгра қийма солиниб, сомса тугилади. Сомсага шакл бериш сизнинг фантазиянгизга боғлиқ. Листга терилган сомсалар устига қатиқ суртиб, мурч сепилади. Ва олдиндан қиздирилган газ духовкасида қизаргунича пиширилади.

Батафсил...
 

Балиш

чоршанба, 2015 Март 04    Лола

Қийма тайёрланиши:

Картошка, думба майда кубик қилиб тўғралади. Кўкатлар тозалаб тўғралади. Зираворлар қўшиб аралаштирилади.

Хамир тайёрланиши:
Ун ичига маргаринни тўғраб соламиз. Ва урвоқ ҳолига келтирамиз. Қатиқни косага солиб, ва истеъмол содаси, туз, тухум оқини қўшиб, яхшилаб аралаштирамиз. Ва унли массага қўшиб, хамир қорамиз. Тайёр хамир 2га бўлинади ва тиндириб қўйилади.....

Батафсил...
 

Чучвара

шанба, 2015 Феврал 21    Лола

1 коса сувда 1 ош қошиқ туз эритилади. Тайёр эритма унга солинади ва 2 тухум та қўшиб, хамир қорилади. Хамир яхшилаб муштлаб, тиндириб қўйилади.
Қозонга сув солиниб газга қўйилади. Сув қайнаб чиққач, 2-3 дона майда тўғралган пиёз ва картошкалар солинади.
Энди қийма тайёрлаймиз.

Батафсил...
 

Қийма кабоб

сешанба, 2015 Феврал 17    Лола

Гўшт бўлакларга бўлинади ва гўшт майдалагичдан артилган пиёз билан уч карра ўтказилади. Сўнг зираворлар ва туз қўшиб, яхшилаб аралаштирилади. Тайёр қийма музлаткичга ярим кунга қўйилади.
Кейин қийма музлаткичдан олиниб, сихларга бир маромда жойланади.
Қўрага олов ёқилиб, қиздирилади. Бунда кўмир, яхши қуриган ўтин ёки қуриган жўхори сўтасини ишлатиш мумкин. Олов ўчиб, қурада чўғ бўлгач, кабоблар пиширилади.
Тайёр бўлган кабоблар ликопчада тўғралган пиёз билан бирга дастурхонга тортилади.

Батафсил...
 

Гулкарам шўрва

душанба, 2015 Феврал 09    Лола

Мол ёки қўй гўштининг ёғлироқ жойи ва суякларидан солиб, пиёз қўшиб қайнатилади, сўнгра гулкарамнинг гул шохларини ўзагидан ажратиб, кубик шаклида тўғралган сабзи билан бирга қайнаб турган шўрвага солиб пиширилади. Шунингдек, шўрвага паррак қилиб тўғралган картошка солингандан кейин оловни пасайтириб, 20 минут дақиқа давомида милтиратиб қайнатилади. Сўнгра тайёр таомни косаларга сузиб, бетига кашнич ва кўк пиёз сепилган ҳолда дастурхонга тортилади.

Батафсил...
 

Гулкарам қовурма

чоршанба, 2015 Феврал 04    Лола

Гулкарамнинг гул шохларини ўзагидан ажратиб олинади. Масаллиқни совуқ сувда бир-икки чайқаб олингандан сўнг қайнаб турган тузли сувга солиб қайнатиб олинади. Ярим тайёр карамни доғланган думба ёғида пиёз билан бирга қовуриб пиширилади. Таомни дастурхонга ликопчаларда тортилади.

Батафсил...
 

Гуручли товуқ шўрва

сешанба, 2015 Январ 20    Лола

Товуқ гўшти қозонга солиниб қайнатилади. Қайнаб чиққанидан сўнг кўпиги олинади. Олов ош дамланадиган пастликда пасайтирилиб, қозон қопқоғи ёпилади. Ва шу ҳолатда 3 соат қайнайди.
Гуруч пишириладиган қозон (кашаварка)да пишириб олинади.
Пиёз ва кўкатлар (кашнич, кўк пиез) тўғралади. Саримсоқ пиёз янчилади.
Зираворлардан янчилган кашнич уруғи, янчилган қизил қалампир, туз, хитой тузи, кунжут.

Батафсил...